Ստամբուլի քաղաքապետը հայտնել է քաղաքի հրապարակներից մեկը Պալյանների անունով կոչելու մտադրության մասին

Ստամբուլի Սկյուտար թաղամասի հայկական Սուրբ Խաչ գերեզմանատանը տեղի է ունեցել Օսմանյան կայսրության ամենահայտնի հայ ճարտարապետների՝ Պալյանների ընտանիքի հիշատակի միջոցառումը։

Ինչպես տեղեկացնում է Ստամբուլի հայկական «Ակօս»-ը, միջացառմանը մասնակցել են Պոլսո Հայոց պատրիարքը, Ստամբուլի քաղաքապետը եւ պոլսահայ հայտնի գործիչներ։

Ստամբուլի քաղաքապետ Էքրեմ Իմամօղլուն մեծ կարեւորություն է տվել Պալյանների ընտանիքի ճարտարապետական գործունեությանը՝ շեշտելով, որ այն հարստացրել է Ստամբուլի մշակույթային ժառանգությունը։  Ստամբուլի քաղաքապետը շեշտել է, որ իր ձեռքից եկածը կանի, որպեսզի հրապարակներից մեկը անվանակոչվի Պալյանների անունով։

Պոլսո Հայոց պատրիարքը՝ արք. Սահակ Մաշալյանը, գոհունակություն է հայտնել քաղաքապետի այս նախաձեռնությամն առթիվ։

Նշենք, որ Պալյանները Օսմանյան կայսրության ամենահայտնի ճարտարապետներն էին։ Պալյանները կառուցել են Ստամբուլում շքեղ պալատներ, կամուրջներ, մզկիթներ, եկեղեցիներ եւ տարբեր նշանակության շենքեր։

Leave a Reply

Your email address will not be published. Required fields are marked *