Ադրբեջանը դեպի Նախիջևան թռիչքների համար սկսել է օգտագործել Հայաստանի օդային տարածքը

Ադրբեջանը սկսել է օգտագործել Հայաստանի օդային տարածքը դեպի Նախիջևան ուղևորափոխադրումներ իրականացնելու համար: Ինչպես փոխանցում է «ՌԻԱ Նովոստի»-ն, այս մասին ասվում է «Ադրբեջանական ավիաուղիներ» ընկերության հայտարարության մեջ:

««Ադրբեջանական ավիաուղիներ» ավիաընկերությունը Բաքու-Նախիջևան-Բաքու ներքին չվերթն իրականացնելու համար հոկտեմբերի 6-ից սկսել է օգտվել Հայաստանի օդային տարածքից: Տվյալ քայլը ցույց է տալիս Ադրբեջանի վճռական պատրաստակաությունը տարածաշրջանում տրանսպորտային հաղորդակցությունների ապաշրջափակման հարցում, ինչը համապատասխանում է բոլոր սահմանամերձ երկրների շահերին»,- ասվում է ընկերության հայտարարության մեջ:

Մասնավորեցվում է, որ Բաքու-Նախիջևան-Բաքու չվերթի երթուղու փոփոխությունը թույլ կտա նվազեցնել թռիչքի ժամանակահատվածը:

Հիշեցնենք, որ նախօրեին Իրանն արգելել էր ադրբեջանական ռազմական օդանավերի թռիչքն իր օդային տարածքով:

https://www.tert.am/am/news/2021/10/06/azerbaijan/3706037 

Leave a Reply

Your email address will not be published. Required fields are marked *