Ադրբեջանը եւ Թուրքիան կնքել են գազի նոր համաձայնագիր

Կասպից ծովի ադրբեջանական հատվածում գտնվող «Շահդենիզ» գազակոնդենսատային հանքավայրի մշակման առաջին փուլի շրջանակում Ադրբեջանից Թուրքիա գազի մատակարարումն արդեն որոշ ժամանակ է՝ վերսկսվել է։ Այս մասին APA-ին տեղեկացրել է SOCAR-ի հասարակության հետ կապերի եւ միջոցառումների կազմակերպման վարչության պետի տեղակալ Իբրահիմ Ահմեդովը։

Հիշեցնենք, որ գազի մատակարարման պայմանագիրը «Շահդենիզ – 1» նախագծի շրջանակում կնքվել է 2001թ., իսկ ժամկետն ավարտվել է այս տարվա ապրիլի 16-ին։ Պայմանագրի ժամկետի ավարտից հետո Ադրբեջանից Թուրքիա գազի մատակարարումները «Շահդենիզ – 1» նախագծի շրջանակում դադարեցվել էին։

Ի.Ահմեդովի խոսքով՝ ներկայում գործում է Թուրքիային գազ մատակարարելու նոր համապատասխան համաձայնագիր։ Համաձայնագրի մանրամասները Ի. Ահմեդովը չի բացահայտել:

https://news.am/arm/news/664906.html 

 

Leave a Reply

Your email address will not be published. Required fields are marked *