PKK-ի շարքերում կան ռուս գործակալներ. թուրքական Haber7

Թուրքական իշխանամետ Haber7 լրատվական կայքը ուշագրավ հոդված է հրապարակել, որում պնդում է, թե իբր Քուրդիստանի աշխատավորական կուսակցության (PKK) շարքերում կան ռուսական հետախուզության աշխատակիցներ:

Աղբյուրի հաղորդմամբ՝ ռուսական Մազլում Ռուս կեղծանունով ոմն անձ (ենթադրաբար՝ Չելյաբինսկի բնակիչ) կապված է ռուսական հետախուզության հետ և Սինջարում PKK-ի պատասխանատու ներկայացուցիչն էր: Նշվել է, որ նա մասնակցել է մի շարք գործողությունների Թուրքիայում, Սիրիայում, Իրաքում և ստացել ռուսական հետախուզության աջակցությունը: Ընդգծվել է, որ նա ակտիվորեն մասնակցել է Թուրքիայում (Հաքքարի, Շըրնաք, Վան և Բինգյոլ) թուրքական զինված ուժերի հետ բախումներին:

Աղբյուրը նշում է, որ Թուրքիայի ազգային հետախուզական կազմակերպությունը (MIT) երկար ժամանակ հետապնդում էր նրան: Թուրքական զինված ուժերը, հենվելով տեղական աղբյուրների վրա, օդային հարվածներ են հասցրել Սինջարի ուղղությամբ, որի արդյունքում զոհվել է 18 «անջատողական», այդ թվում՝ Մազլում Ռուսը:

https://yerkir.am/news/view/247882.html 

Leave a Reply

Your email address will not be published. Required fields are marked *