Ոստիկանության զրահամեքենան վթարի է ենթարկել յոթամյա Միհրաչ Միրօղլուին Թուրքիայի հարավ-արեւելյան Շըրնաք նահանգում: Տղան մահացել է հիվանդանոցում, հաղորդում է Ahval-ը:

Հուղարկավորությունը տեղի է ունեցել ավելի ուշ երեկոյան, որին մասնակցել են տեղի բնակիչներն ու քրդամետ Ժողովուրդների դեմոկրտական կուսակցության պաշտոնական անձինք:

«Անվտանգության ուժերի եւ քրդական նահանգներում տրանսպորտային միջոցների մասնակցությամբ մարդկանց մահը  պատահականություն չէ, այլ զանգվածային հաշվեհարդար,-ասված է կուսակցության թվիթերյան էջում:-Քանի՞ երեխա, կին, տարեց մարդ է զոհվել: Բա՛վ է»:

Առնվազն 40 քաղաքացիական անձ, որոնցից 20-ը երեխաներ էին, սպանվել են Թուրքիայի արեւելյան եւ հարավ-արեւելյան շրջաններում զրահատեխնիկայի հետ բախումների հետեւանքով վերջին 13 տարվա ընթացքում: 2008 թվականից 92 պատահարներում տուժել է 52 մարդ, հաղորդում է գործակալությունը:

Վարորդների, ոստիկանության աշխատակիցների կամ զինված ուժերի ներկայացուցիչների մեծամասնությունը չի դատապարտվել զոհերի համար: Մի քանի գործ կարճվել է քաղաքական գործիչների միջամտությունից հետո, իսկ մյուսները բավարարվել են տուգանքներով:

https://news.am/arm/news/661338.html