Ս․ Աստուածածնայ ոգեւորութիւնը շաբաթ օրը շարունակեց ուխտաւորներու հետ շրջապտոյտ

Ն.Ա.Տ. Սահակ Բ. Պատրիարք Հայրը, 14 օգոստոս 2021, շաբաթ առաւօտ, իր մօտն ունենալով Արժ.Տ. Տրդատ Աւ. Քհնյ. Ուզունեան, Արժ. Տ. Աւետիս Քհնյ. Թապաշեան, Արժ. Տ. Շիրվան Քհնյ. Միւրզեան, Արժ. Տ. Շահէն Քհնյ. Օհանեան, Բրկ. Միսաք Ուր. Դպ. Հէրկէլեան եւ Բրկ. Եուսուֆ Դպ. Թապաշեանը այցելեցՎաքըֆգիւղի շրջակայ գիւղերը։ Այս այցելութեան մասնակցեցան նաեւ ուխտաւորաց խումբ մը, որՍտանպուլէն փութացած էր Վաքըֆգիւղ։

Պատրիարք Հայրը նախ այցելեց Խտրպեկ Գիւղը, ուր կը գտնուի «Մուսա Աղաճը» (Մովսէսի Ծառ) անունով ծանօթ հսկայ ծառը։ Ապա, կարգաւ այցելեց, Եողունօլուք եւ Պաթըայազ գիւղերը, ուր կըգտնուին երբեմնի հայկական եկեղեցիներու մնացորդացները։ Այցելութեան առթիւով, ՊատրիարքՀօր առաջնորդութեամբ խումբի մասնակիցներ աղօթեցին, երբեմնի եկեղեցւոյ սպասաւորներունհամար։ Բաց աստի, եկեղեցիներու պատմականներուն մասին տեղեկութիւններ փոխանցուեցանՄիսաք Դպիրի կողմէ։

Մասնակիցներ, մեծապէս ուրախ էին, քանի Պատրիարք Հօր գլխաւորութեամբ հաճելի շրջապտոյտմը կը կատարուէր ու անոնք կը վայելէին հոգեւոր ու մշակութային անմոռանալի պահեր։

ՎԱՔԸՖԳԻՒՂԻ ՄԷՋ ԱՒԱՆԴԱՒԱՆ ԱՂՕՐՀՆԷՔ

Ն.Ա.Տ. Սահակ Բ. Պատրիարք Հօր հանդիսապետութեամբ 14 Օգոստոս 2021, Շաբաթ, ժամը 16.00-ինտեղի ունեցաւ Վերափոխման Տաղաւարի աւանդական մատաղօրհնութեան եւ գիւղի Ս. Աստուածածին Եկեղեցւոյ անուան տօնախմբութեան առթիւ «Աղօրհնէք»։

Արարողութեանց մասնակցեցան Արժ.Տ. Տրդատ Աւ. Քհնյ. Ուզունեան, Արժ. Տ. Աւետիս Քհնյ. Թապաշեան, Արժ. Տ. Շիրվան Քհնյ. Միւրզեան, Արժ. Տ. Շահէն Քհնյ. Օհանեան, Բրկ. Միւսաք Ուր. Դպ. Հէրկէլեան եւ Բրկ. Եուսուֆ Դպ. Թապաշեան։

Նախ կատարուեցաւ կանոնական Երեկոյեան Ժամերգութիւն ու ապա կազմուած թափօրըուղղուեցաւ Եկեղեցւոյ բակը, ուր կատարուեցաւ Աղօրհնէքի կարգը։ Ըստ աւանդութեան, օրհնուածաղը կը խառնուի եփուելիք աւանդական եօթը կաթսայ հարիսային, որոնց կրակները կը վառուին ուշգիշեր։

Արարողութիւնները վերջ գտան «Պահպանիչ» աղօթքով։

ՀԱԹԱՅԻ ԵԿԵՂԵՑԻՆԵՐՈՒ ՎԱՐԻՉՆԵՐՈՒ ՀԵՏ ՀԱՆԴԻՊՈՒՄ

Պատրիարք Հայրը, եկեղեցական արարողութենէ յետոյ, երեկոյեան ժամերուն ՀաթայիԵկեղեցիներու վարիչներուն հետ խորհրդակցական ժողով մը գումարեց։ Իրենց մասնակցութիւնըբերին Արժ. Տ. Աւետիս Քհնյ. Թապաշեան, Ճէմ Չափարի գլխաւորած Վաքըֆգիւղի Ս. ԱստուածածինԵկեղեցւոյ վարչութենէ անդամներ, Կարպիս Քըսատուրի գլխաւորած Իսքէնտէրունի Ս. ՔառասնիցՄանկանց Եկեղեցւոյ վարչութենէ անդամներ եւ Վաքըֆգիւղի Գիւղապետ Պերճ Գարթուն։

Հանդիպման ընթացքին, իւրաքանչիւր վարչութիւն իր եկեղեցւոյ մասին ընդարձակ տեղեկութիւններփոխանցեց եւ գործունէութեանց մասին զեկուցեց։ Առ այդ հաստատութիւններու ունեցած հարցերուեւ կարիքներուն մասին տեղեկութիւններ փոխանցուեցան Պատրիարք Հօր։ Կատարուածգաղափարի փոխանակումներու ընթացքին, Պատրիարք Հայրը շեշտեց, որ ՊատրիարքականԱթոռը զօրաւիգ է Հաթայի մերազն ժողովուրդի անդամներուն եւ միշտ պատրաստ է օժանդակելուՀաթայի շրջանի եկեղեցիներուն։ Հանդիպման աւարտին, վարիչներ շնորհակալութիւն յայտնեցինՄեր Հոգեւոր Պետին, որուն հայրական հոգածութեան արժանի կը դառնար Հաթայի ժողովուրդը։

ՍԻՐՈՅ ՍԵՂԱՆ ՎԱՔԸՖԳԻՒՂԻ ՄԷՋ

Պատրիարք Հայրը, վարիչներու հետ հանդիպում ունենալէ յետոյ, նախագահեց Մեսրոպ ՊատիարքՄութաֆեան Մշակոյթի Կեդրոնի պարտէզին մէջ սարքուած սիրոյ սեղանին, որունպատրաստութիւնները կատարած էին գիւղի երիտասարդները։

Ինչպէս ծանօթ է, Վաքըֆգիւղը նշանաւոր դարձած է իր խնճոյքներով, սակայն Քորոնահամավարակը այս տարի եւս պատճառ եղաւ որ ժողովուրդի հոծ բազմութեամբ խնճոյքներչկազմակերպուին։ Վաքըֆգիւղի պատասխանատուները, նկատի ունենալով համավարակիպայմանները, մասնակիցներու առողջապահութիւնը գերադասերով այս տարի եւս խնճոյքիպատրաստութիւն չէին տեսած։ Իսկ միւս կողմէ, համավարակի մթնոլորտի կանոններուն ուշադիրըլլալով, գիւղի երիտասարդները, Մեր Հոգեւոր Պետին ի պատիւ պատրաստութիւններ ըրած էին։Սիրոյ սեղանին, բացի հոգեւոր հայրերէ ներկայ էին նաեւ Միհրան Ուլիկեանի գլխաւորածուխտաւորաց խումբը։ Մտերիմ մթնոլորտի ներքեւ, ներկաներ արտայայտուեցան ու հաճելի պահերապրեցան։

Այս առիթով խօսք առաւ Աւետիս Քահանան եւ յանուն գիւղացիներուն նախ շնորհակալութիւնյայտնեց Պատրիարք Հօր, որուն հայրական ներկայութիւնը գիւղէ ներս երուզեռ ստեղծած էր։Յատուկ շնորհակալութիւն յայտնեց նաեւ հոգեւոր եղբայրներուն եւ ուխտաւորներուն, որոնք գիւղըշէնցնելու համար Ստանպուլէն փութացած էին Վաքըֆգիւղ։ Այս շրջագիծով շեշտեց գիւղի հետնոյնացած Միհրան Ուլիկեանի ներկայութիւնը, որ ինչպէս միշտ այս տարի եւս իր հարազատներովհանդերձ միացած էր գիւղի ոգեւորութեան։

Ժամը 23.30-ին, Պատրիարք Հայրը, իր մօտն ունենալով հոգեւոր հայրերը, առաջնորդուեցաւեկեղեցւոյ պարտէզը, ուր աղօթքերով վառեց հերիսաներու կաթսաներու խարոյկը։ Յաջորդաբար, գիւղի ժողովուրդը շրջապատեց Պատրիարք Հայրը եւ Մեր Հոգեւոր Պետին հետ մինչեւ ուշ գիշերզրուցելու առիթը ունեցան։

https://www.facebook.com/TRArmenianPatriarchate 

Leave a Reply

Your email address will not be published. Required fields are marked *