Թուրքիայում այրել են քուրդ ընտանիքի տունը․ զոհվել է ընտանիքի 7 անդամ

Թուրքիայի Կոնիա նահանգում հարձակման հետևանքով զոհվել է քուրդ Դեդեօղլու ընտանիքի 7 անդամ, հայտնում է Ahval-ը և հավելում, որ անհայտ անձինք հրդեհել են քուրդ ընտանիքի տունը։

Տեղեկությունների համաձայն՝ զոհվել են ընտանիքի 3 իգական և 4 արական սեռի ներկայացուցիչները, որոնք նախկինում ևս ռասիստական հարձակումների զոհ են դարձել։ Առաջին հարձակումը ընտանիքի վրա տեղի է ունեցել մայիսին։

Հրդեհված տունը շրջափակված է ոստիկանության կողմից։ Քրդամետ Ժողովուրդների դեմոկրատական շարժում կուսակցության համանախագահները մեկնել են դեպքի վայր։

«Ռասիստական հարձակումները, որոնք բռնկվել են վերջերս, սկսում են կյանքեր խլել և սպառնալիք են յուրաքանչյուրի համար»,- ասել է հիշյալ կուսակցության մամուլի քարտուղար Էբրու Գունայը։

Առաջին հարձակումից հետո ձերբակալված 6 անձինք ազատ են արձակվել։ Ընտանիքի անդամներից մեկը, որն այժմ մահացած է, ավելի վաղ նշել էր, որ հարձակումների կազմակերպիչների թվում իրենց հարևաններն են։

https://www.tert.am/am/news/2021/07/31/kurd-tr/3673692 

Leave a Reply

Your email address will not be published. Required fields are marked *