ԱՄՆ-ը Թուրքիային սպառնացել է նոր պատժամիջոցներով

Ռուսաստանից զենքի և ռազմական տեխնիկայի գնումները  շարունակելը կհանգեցնի Թուրքիայի նկատմամբ ԱՄՆ-ի լրացուցիչ պատժամիջոցների: Այս մասին հայտարարել է ԱՄՆ պետքարտուղարի տեղակալ Վիկտորյա Նուլանդը:

«Մենք շարունակում ենք առարկել Թուրքիայի կողմից հակաօդային պաշտպանության Ս-400 ռուսական համակարգի գնման և տեղակայման դեմ: Եվ հստակ հասկացրել ենք, որ Ռուսաստանից զենքի ցանկացած նոր խոշոր գնում լրացուցիչ պատժամիջոցներ է ենթադրում՝ ԱՄՆ-ի CAATSA օրենքի համաձայն»,- ասել է նա՝ ելույթ ունենալով ԱՄՆ Սենատի արտաքին հարաբերությունների հանձնաժողովի լսումների ժամանակ:

«Վաշինգտոնի վաճառքները Անկարային և Թուրքիայի հետ հինգերորդ սերնդի F-35 կործանիչ-ռմբակոծիչների համատեղ արտադրությունը դադարեցված կմնան»,- հավելել է Նուլանդը:

https://www.yerkir.am/news/view/244815.html 

Leave a Reply

Your email address will not be published.