Աշխարհը դատապարտել է Էրդողանի հայտարարությունները Կիպրոսի վերաբերյալ

 Աշխարհը դատապարտել է Էրդողանի հայտարարությունները Կիպրոսի վերաբերյալ

Թուրքիայի նախագահ Ռեջեփ Թայիփ Էրդողանի՝ Կիպրոսում արած հայտարարությունները խիստ արձագանքի են արժանացել եվրոպական պետությունների և ԱՄՆ ղեկավարության կողմից։

Էրդողանը հայտարարել էր, որ պատրաստվում է վերաբացել իրենց օկուպացրած Վարոշա (թրք. Մարաշ) նախկին զբոսաշրջային քաղաքը, որը փակվել էր մարդկանց համար 1974 թ. ի վեր։ Դրանով Էրդողանը խախտում է ՄԱԿ–ի ԱԽ բանաձևը, ըստ որի՝ այդ քաղաքում արգելվում է մարդկանց բնակությունը։ Էրդողանը նաև հայտարարել էր կղզում նախագահական պալատ և «Ազգային այգի» բացելու մասին։

ԵԽ նախագահ Ժոզեպ Բորելը հայտարարել է, որ այս որոշումը պարունակում է կղզում լարվածության առաջացման ռիսկ և  կոչ է անում հարգել ՄԱԿ–ի որոշումները։

Հունաստանի ԱԳՆ ղեկավար Նիկոս Դենդիասը իր հերթին է դատապարտել այս հայտարարությունները։

ԱՄՆ պետքարտուղար Էնթոնի Բլինքենն անընդունելի է համարել Վարոշայի վերաբերյալ որոշումները և կոչ արել հարգել ՄԱԿ-ի բանաձևերը։

Նմանատիպ հայտարարությամբ է հանդես եկել նաև Մեծ Բրիտանիան, որը, ի տարբերություն այլ եվրոպական պետությունների, Կիպրոս կղզում ունի ռազմական ներկայություն և կիպրական հիմնահարցի կողմերից է։

https://www.yerkir.am/news/view/244711.html 

Leave a Reply

Your email address will not be published. Required fields are marked *