Կիպրոսը բողոք է ներկայացրել ՄԱԿ եւ ԵՄ` լքված Վարոշա բնակավայրի բնակելի հատվածը բացելու Թուրքիայի որոշման կապակցությամբ

Կիպրոսի կառավարությունը պաշտոնական բողոք է ներկայացրել ՄԱԿ-ին եւ Եվրամիությանը՝ լքված Վարոշա բնակավայրի վերաբացման Թուրքիայի որոշման կապակցությամբ` հայտարարելով, որ այդ քայլը խախտում է ՄԱԿ-ի բանաձեւերը եւ կարող է խափանել խաղաղության ջանքերը, հայտնում է AP-ը:

Հայտարարության մեջ նշվում է, որ Կիպրոսի արտգործնախարար Նիկոս Քրիստոդուլիդեսը զրուցել է ԵՄ արտաքին քաղաքականության ղեկավար Ժոզեպ Բորելի հետ եւ նամակ է ուղարկել ՄԱԿ Անվտանգության խորհրդի հինգ մշտական անդամներին:

Կիպրոսցի թուրքերի «առաջնորդ» Էրսին Թաթարը ավելի վաղ հայտարարել էր, որ Վարոշայի 3,5 քառակուսի կիլոմետրանոց հողամասը ռազմական վերահսկողությունից կանցնի քաղաքացիականի:

Թաթարն այդ հայտարարությունն արել է թուրքական ներխուժման 47-րդ տարեդարձի կապակցությամբ ռազմական շքերթից առաջ, որին մասնակցել է Թուրքիայի նախագահ Ռեջեփ Թայիփ Էրդողանը:

https://news.am/arm/news/654590.html 

Leave a Reply

Your email address will not be published. Required fields are marked *