Հայ Դատը Թուրքիոյ դեսպանի թեկնածուի դիրքորոշումներուն յստակացում կը պահանջէ

Ամերիկայի Հայ Դատի յանձնախումբը յայտարարեց, թէ մօտէն պիտի հետեւի Թուրքիոյ մօտ Միացեալ Նահանգներու դեսպանի թեկնածու նշանակուած նախկին ծերակուտական Ճեֆ Ֆլէյքի պաշտօնի վաւերացման Ծերակոյտի լսումներուն, որպէսզի կարելի ըլլայ յստակացնել անոր դիրքորոշումները՝ յատկապէս հայութիւնը յուզող հարցերուն վերաբերեալ, կը յայտնէ Ամերիկայի Հայ Դատի յանձնախումբի ատենապետ Րաֆֆի Համբարեան։

Համբարեան կը յիշեցնէ, թէ Ֆլէյք «Հայոց Ցեղասպանութիւնը ուրանալու՝ Թուրքիոյ ջանքերուն մեղսակցելու ամօթալի պատմութիւն ունի»՝ աւելցնելով, որ Ցեղասպանութիւնը պաշօնապէս ճանչցած նախագահ Ճօ Պայտըն այս քայլով սխալ պատգամ կը յղէ Անգարային։

«Աւելին պէտք է ընենք, Անգարա ղրկելով Հենրի Մորկըթաուի եւ Ճան Էվընզի նման դիւանագէտներ, որոնք յստակօրէն մերժած են թրքական սուտերը», աւելցուց ան։

Yerakouyn.com 

Leave a Reply

Your email address will not be published. Required fields are marked *