«Եթէ Թուրքիան լարուածութեան ուղին ընտրէ, պատասխան կը ստանայ» կ՛ըսէ Յունաստանի վարչապետը

Յունաստանի վարչապետ Քիրիաքոս Միցոթաքիս յունական «Քաթիմերինի» օրաթերթին հետ հարցազրոյցի ընթացքին խօսած է ՕԹԱՆ-ի վեհաժողովի ընթացքին Թուրքիոյ նախագահ Ռեճեփ Թայիփ Էրտողանի հետ հանդիպումին մասին:

Միցոթաքիս յոյս յայտնած է, որ այս հանդիպումէն ետք 2021 թուականի ամառը` երկկողմանի յարաբերութիւններու առումով աւելի հանգիստ պիտի ըլլայ, քան 2020 թուականի ամառը: Միեւնոյն ժամանակ ան նշած է, որ հանդիպման ընթացքին չեն վերցուած Թուրքիոյ առնչուած խնդիրներուն պատճառները:

«Մենք ըսինք, որ կողմնակից ենք Թուրքիոյ հետ լաւ յարաբերութիւններուն, ատիկա կը բխի երկու երկիրներու շահերէն: Սակայն եթէ Թուրքիան որոշէ սրել կացութիւնը, պիտի ստանայ պատասխան, եւ ատիկա պիտի ունենայ իր հետեւանքները: Յունաստան պիտի չարտօնէ գաղթականներու խնդիրը զէնքի վերածել, եւ որ մարտ 2020-ի իրադարձութիւններուն կրկնութիւնը տեղի ունենայ», ըսած է Յունաստանի վարչապետը:

https://www.aztagdaily.com/archives/515564 

Leave a Reply

Your email address will not be published. Required fields are marked *