Թուրքիայի ոստիկանությունը մահափորձ է գործել իմ դեմ. AFP լրագրող

France Press (AFP) գործակալության լուսանկարիչ Բյուլենթ Կիլիչը, որը բերման է ենթարկվել շաբաթ օրը Ստամբուլում գեյ շքերթի անցկացման փորձի ժամանակ, մեղադրել է ոստիկանությանն իր դեմ մահափորձի մեջ եւ սպառնացել դատարան դիմել, գրում է  Ahval-ը:

«Նրանք մահափորձ են գործել իմ դեմ՝ փորձելով խոչընդոտել իմ շնչառությանը: Դա կհետաքննվի դատարանում»,-գրել է Կիլիչը սոցիալական ցանցերի իր էջերում, երբ կիրակի նրան ազատ են արձակել:

Ոստիկանները գցել են Կիլիչին գետնի վրա եւ սեղմել նրա պարանոցը, երբ նա լուսանկարում էր: Ոստիկանության կողմից նրան բերման ենթարկելու տեսաձայնագրություններում լսվում է՝ ինչպես է Կիլիչը գոռում. «Չեմ կարողանում շնչել»:

Շաբաթ Ստամբուլի ոստիկանությունը կիրառել է արցունքաբեր գազ, որպեսզի ցրի Ստամբուլում տեղի իշխանությունների կողմից արգելված գեյ շքերթին հավաքված մարդկանց: Իրավապահները բերման են ենթարկել ավելի քան 20 մարդու, որոնք փորձել են մասնակցել քայլերթին:

https://news.am/arm/news/651089.html 

Leave a Reply

Your email address will not be published.