Թուրքական ԱԹՍ-ները կամրապնդեն Կիևի ռազմական հզորությունը. Ուկրաինայի ԱԳՆ

Թուրքիայից զինված անօդաչու թռչող սարքերի ներմուծումը կամրապնդի Ուկրաինայի ռազմական հզորությունը. հայտարարել է Ուկրաինայի արտաքին գործերի նախարար Դմիտրո Կուլեբան. հաղորդում է Sabah-ը:

Նախարարը Անթալիայում անցկացվող Դիվանագիտական ֆորումի շրջանակներում լրագրողների հետ զրույցում բացատրել է, որ իր երկիրն ունի երկու նպատակ, որոնք ռազմավարական է համարում թուրքական անօդաչու թռչող սարքերի հարցում՝  տեղայնացված արտադրություն և ուկրաինական շարժիչներով աշխատող անօդաչու թռչող սարքեր:

Կուլեբան բացատրել է, որ Ուկրաինայի՝ Թուրքիայից Bayraktar TB-2 անօդաչու թռչող սարքեր գնելու որոշումը «միջոց է՝ ուժեղացնելու իր պաշտպանությունը Ռուսաստանի ագրեսիայից»:

Նա բարձր է գնահատել անօդաչու թռչող սարքերի ապացուցված արդյունավետությունը և շնորհակալություն հայտնել Թուրքիային՝ հանրապետությանը աջակցելու համար:

Հոդվածում նշվում է, որ ներկայումս Ուկրաինայում շահագործվում է 12 TB-2 Bayraktar անօդաչու թռչող սարք: Կուլեբան անօդաչու թռչող սարքերի նպատակը զուտ պաշտպանողական է բնութագրել, երբ հարցրել են, թե արդյո՞ք դրանք կկիրառվեն Դոնբասում:

https://www.yerkir.am/news/view/242242.html 

Leave a Reply

Your email address will not be published.