Թուրքիայի ընդդիմության առաջնորդը քաղաքապետերին զգուշացրել է հնարավոր զինված հարձակումների մասին

Թուրքիայի գլխավոր ընդդիմադիր Թուրքիայի ժողովրդահանրապետական կուսակցության առաջնորդ Քեմալ Քըլըչդարօղլուն երկրի քաղաքապետերին զգուշացրել է հնարավոր զինված հարձակումների մասին, ինչպիսին անցյալ շաբաթ տեղի էր ունեցել Իզմիր նահանգի արևմտյան շրջանում քրդամետ Ժողովուրդների դեմոկրատական կուսակցության կենտրոնական գրասենյակի վրա, հայտնում է Ahval թերթը։

Թուրքիայի ժողովրդահանրապետական կուսակցության առաջնորդն ասել է, որ պետք է պատրաստ լինեն սադրանքների։

Ավելի վաղ հարձակում էր տեղի ունեցել Իզմիրի արևմտյան շրջանում գտնվող Ժողովուրդների դեմոկրատական կուսակցության կենտրոնական գրասենյակի վրա՝ 40 պաշտոնատար անձանց մասնակցությամբ հանդիպումից առաջ, որը վերջին վայրկյանին հետաձգվել է։

Հայտնի է, որ հարձակումն իրականացնողը ծայրահեղական Գորշ գայլեր կազմակերպության անդամ Օնուր Գենչերն է:

Հիշեցնենք, որ Եվրոպական խորհրդարանը Եվրամիությանը կոչ է արել Գորշ գայլեր կազմակերպությանը ներառել ահաբեկչական խմբավորումների ցանկում:

https://www.tert.am/am/news/2021/06/23/turkey/3648736 

Leave a Reply

Your email address will not be published.