Վաքըֆլը գյուղ է այցելել Ժողովուրդների դեմոկրատական կուսակցության (HDP) համանախագահը

Քրդամետ Ժողովուրդների դեմոկրատական կուսակցության (HDP) համանախագահ Փերվին Բուլդանն այցելել է պաշտոնապես Թուրքիայի «միակ հայկական գյուղը» համարվող Վաքըֆլը։ Այդ մասին, Akunq.net-ի փոխանցմամբ, հաղորդում է Bianet.org լրատվակայքը։

Աղբյուրի համաձայն՝ համանախագահը և իր պատվիրակությունն այցելել են նաև տեղի հայկական եկեղեցի, զրուցել եկեղեցու սպասավորների հետ և մոմ վառել։ Այնուհետև Փերվին Բուլդանը հանդիպել է Վաքըֆլը գյուղի կոոպերատիվի կին ներկայացուցիչների հետ։

Ժողովուրդների դեմոկրատական կուսակցության կին համանախագահը այդ հանդիպման շրջանակներում ելույթ է ունեցել և մասնավորապես ասել․ «Ալևիների, հայերի և քրդերի ճակատագիրը նույնն է։ Միմիայն համատեղ պայքարի միջոցով կգտնենք հաջողության ուղիները»։

https://bianet.org/bianet/yasam/245795-buldan-vakifli-koyu-nde-alevi-ermeni-ve-kurtlerin-kaderleri-ayni

Թարգմանեց Մելինե Անումյանը

Akunq.net

  

Leave a Reply

Your email address will not be published. Required fields are marked *