Ինչ բովանդակություն ունի Շուշիում Էրդողանի և Ալիևի կնքած հռչակագիրը

Երեկ թշնամու օկուպացիայի տակ ժամանակավորապես գտնվող հայոց Շուշի բերդաքաղաքում թշնամական երկու պետությունների՝ Թուրքիայի և Ադրբեջանի ղեկավարներ Ռեջեփ Թայիփ Էրդողանը և Իլհամ Ալիևը ստորագրել են «Շուշայի հռչակագիր» կոչվող փաստաթուղթ, որը փաստացի ռազմական դաշինքի փաստաթուղթ է և ազդարարում է Թուրքիայի ներկայությունը Անդրկովկասում։

Ըստ պայմանագրի՝

1. Բաքուն և Անկարան միմյանց կօգնեն անկախության կամ տարածքային ամբողջականության վրա երրորդ պետության կողմից սպառնալիքի կամ հարձակման դեպքում,

2. Թուրքիայի և Ադրբեջանի անվտանգության խորհուրդները պարբերաբար համատեղ հանդիպումներ կանցկացնեն ազգային անվտանգության հարցերի շուրջ,

3. Թուրքիան և Ադրբեջանը համատեղ ջանքեր կգործադրեն տարածաշրջանային և գլոբալ անվտանգության ու կայունության խնդիրների լուծման ուղղությամբ,

4. ընդգծվում է Թուրքիայի կարևոր դերը «ազատագրված (իրականում օկուպացված) տարածքներում թուրք-ռուսական համատեղ կենտրոնի գործունեության մեջ»,

5. Թուրքիայի դեմ Հայաստանի անհիմն պահանջները և պատմությունը խեղաթյուրելու փորձերը վնասում են տարածաշրջանում խաղաղությանը և կայունությանը: (նկատի ունի Հայոց ցեղասպանության հարցով արդար պահանջատիրությունը),

6. երկու երկրների միջև զարգացող և նրանց շահերի բավարարումը քաղաքական-ռազմական համագործակցությունը ուղղված չէ երրորդ պետությունների դեմ,

7. Կողմերը կընդլայնեն համատեղ ջանքերն ու համագործակցությունը ահաբեկչության, կազմակերպված հանցավորության, թմրանյութերի մաքսանենգության, անօրինական միգրացիայի դեմ պայքարում:

https://www.yerkir.am/news/view/241584.html 

Leave a Reply

Your email address will not be published. Required fields are marked *