Շուշիում թուրքական հյուպատոսության և Զանգեզուրի միջանցքի բացում․ Էրդողանն ու Ալիևը Շուշիում հռչակագիր են ստորագրել

 Շուշիում թուրքական հյուպատոսության և Զանգեզուրի միջանցքի բացում․ Էրդողանն ու Ալիևը Շուշիում հռչակագիր են ստորագրել

Թուրքիայի նախագահ Ռեջեփ Թայիփ Էրդողանն այցելել է օկուպացված Շուշի, որտեղ Ադրբեջանի նախագահ Իլհամ Ալիևի հետ կայացած համատեղ ասուլիսում հայտարարել է, որ առաջիկայում Թուրքիան ծրագրում է Շուշիում բացել Թուրքիայի գլխավոր հյուպատոսություն:

Էրդողանի և Ալիևի միջև հռչակագիր է ստորագրվել երկու երկրների բարձր համագործակցության վերաբերյալ։ Ըստ Ալիևի՝ այդ հռչակագիրը Թուրքիայի և Ադրբեջանի միջև համագործակցության ապագան է։

«Հռչակագիրը հենվում է Կարսի պայմանագրի վրա։ Այնտեղ շոշափվում են համագործակցության տարբեր ոլորտներ»,– նշել է նա` հայտարարելով, որ հռչակագիրը «նոր՝ Կարսի պայմանագիրն է»

«Հռչակագրում արտացոլված են Զանգեզուրի միջանցքի բացման վերաբերյալ շատ բաց արտահայտություններ: Սա աշխարհաքաղաքական նոր իրավիճակի արդյունքն է, որն ի հայտ եկավ Ղարաբաղյան երկրորդ պատերազմից հետո: Այսօր մենք խոսում ենք Զանգեզուրի միջանցքի մասին, որը երկաթուղային և ավտոճանապարհներով միացնելու է Թուրքիան և Ադրբեջանը, մենք ստեղծում ենք այս միջանցքը գործնական աշխատանքով: Այս հարցի արտացոլումը համատեղ հռչակագրում մեծ նշանակություն ունի»,– նշել է Էրդողանը։

https://www.yerkir.am/news/view/241482.html 

Leave a Reply

Your email address will not be published. Required fields are marked *