Դավութօղլուի գլխավորած կուսակցության պատվիրակությունը այցելել է քրդամետ ԺԴԿ կուսակցություն` քննարկելու վերջինի փակմանն ուղղված մեղադրական եզրակացությունը

Թուրքիայի նախկին վարչապետ Ահմեթ Դավութօղլուի Ապագա կուսակցության պատվիրակությունը այցելել է քրդամետ Ժողովուրդների դեմոկրատական կուսակցության գրասենյակ` քննարկելու երկրի գլխավոր դատախազության կողմից ներկայացված և քրդամետ կուսակցության փակմանն ուղղված մեղադրական եզրակացությունը: Այս մասին գրում է Gazete Karınca պարբերականը:

Ապագա կուսակցության պատվիրակության կազմում են եղել կուսակցության փոխնախագահ Նեդիմ Յամալըն, գլխավոր քարտուղար Ջեմալեթթին Քանի Թորունը և գլխավոր քարտուղարի տեղակալ Նուրայ Սաղըրօղլուն:

Պատվիրակությունը հանդիպել է Հասարակական կազմակերպությունների (ՀԿ) և քաղաքական կուսակցությունների հետ հարաբերությունների հանձնաժողովի համանախագահ Թունջեր Բաքիըրհանի, քրդամետ կուսակցության խմբակցության փոխնախագահ Սարուհան Օլուչի հետ և մտքեր է փոխանակել փակման գործի վերաբերյալ:

Ինչպես ավելի վաղ տեղեկացրել էր Tert.am-ը, Թուրքիայի գլխավոր դատախազությունը մեղադրական եզրակացություն է ուղարկել երկրի Սահմանադրական դատարան՝ քրդամետ Ժողովուրդների դեմոկրատական կուսակցության դեմ փակման գործ հարուցելու համար:

tert.am

Leave a Reply

Your email address will not be published. Required fields are marked *