Չավուշօղլուն հայտարարել է, որ Ս-400-ները վտանգ չեն ներկայացնում ՆԱՏՕ-ի համար և ապացույցներ է ներկայացրել

Թուրքիայի իշխանությունները Ռուսաստանից գնված Ս-400 զենիթահրթիռային համակարգերը չեն համարում սպառնալիք ՆԱՏՕ-ի համար և ծրագրում են այս թեմային մոտենալ իրատեսական տեսանկյունից: Այս մասին հայտարարել է հանրապետության արտաքին գործերի նախարար Մեվլյութ Չավուշօղլուն:

«Ս-400 հրթիռները ՆԱՏՕ-ի համար անվտանգության ռիսկ չեն ներկայացնում: Թուրքիան մտադիր է մոտենալ Ս-400- ի խնդրին իրատեսության տեսանկյունից և կառուցողական երկխոսության հիման վրա», – մեջբերում է ֆրանսիական “L’Opinion” թերթը:

Նախարարը հավելել է, որ Անկարան ՆԱՏՕ-ի գործընկերներին ապացույցներ է տրամադրել նաև այն մասին, որ ինքը ոչ մի թշնամական գործողություն չի ձեռնարկել դաշնակիցների ոչ մի նավի դեմ, «հակառակ այն բանի, ինչ ասում էին ֆրեգատ Courbet մասին»:

yerkir.am

Leave a Reply

Your email address will not be published. Required fields are marked *