Ռուսաստանը Թուրքիային հասկացնում է, որ Ղրիմի հարցում Կիևին խրախուսելը ոտնձգություն է Ռուսաստանի ամբողջականության նկատմամբ. Լավրով

 Ռուսաստանը Թուրքիային հասկացնում է, որ Ղրիմի հարցում Կիևին  խրախուսելը ոտնձգություն է Ռուսաստանի ամբողջականության նկատմամբ. Լավրով

Ռուսաստանը  Թուրքիային շատ հստակորեն հաղորդում է այն միտքը, որ Ղրիմի վերաբերյալ ուկրաինական նախաձեռնությունները խրախուսելը հավասարազոր է Ռուսաստանի ամբողջականության նկատմամբ ոտնձգության: Այս մասին հայտարարել է Ռուսաստանի արտգործնախարար Սերգեյ Լավրովը «Аргументы и факты» թերթին տված հարցազրույցում:

«Եթե մենք խոսում ենք ուկրաինական գործերի մասին, ապա բոլոր մակարդակներում խստորեն խորհուրդ ենք տալիս մեր թուրք գործընկերներին՝ ուշադիր վերլուծել իրավիճակը և դադարեցնել Կիևի ռազմատենչ տրամադրությունների խրախուսումը: Մենք շատ հստակ փոխանցում ենք այն գաղափարը, որ Ղրիմում ուկրաինական ագրեսիվ նախաձեռնությունները խրախուսելը հավասարազոր է Ռուսաստանի տարածքային ամբողջականության ոտնձգության», – ասել է նա:

Այս կապակցությամբ, ըստ նախարարի, Ռուսաստանն ակնկալում է, որ Թուրքիայի գիծը կկարգավորվի՝ «հաշվի առնելով Մոսկվայի օրինական մտահոգությունները»:

Ապրիլի 10-ին Թուրքիայի նախագահ Ռեջեփ Թայիփ Էրդողանը հայտարարել էր, որ Ստամբուլում իր ուկրաինացի գործընկերոջ՝ Վլադիմիր Զելենսկիի հետ բանակցություններում հաստատում է Անկարայի որոշումը` չճանաչել «Ղրիմի բռնակցումը», և սատարում է Ղրիմի պլատֆորմի նախաձեռնությանը, որը «նպատակ ունի մերձեցնել միջազգային հանրությանը Ղրիմի հարցում»:

ՌԴ արտգործնախարարը նշել է նաև, որ որոշ միջազգային թեմաների շուրջ դիրքորոշումների տարաձայնությունը չի խանգարում Մոսկվային և Անկարային՝ ինտենսիվ քաղաքական երկխոսություն վարել և զարգացնել համագործակցությունը:

«Իրոք, մի շարք միջազգային թեմաների շուրջ մենք լուրջ տարաձայնություններ ունենք Անկարայի հետ: Սակայն դա չի խանգարում մեզ ինտենսիվ քաղաքական երկխոսություն վարել մեր թուրք գործընկերների հետ և զարգացնել փոխշահավետ համագործակցություն տարբեր ոլորտներում՝ էներգետիկայից մինչև զբոսաշրջություն»,- նշել է Լավրովը:

https://www.yerkir.am/news/view/239165.html 

Leave a Reply

Your email address will not be published. Required fields are marked *