ԱՄՆ-ը դատապարտել է Թուրքիայի նախագահի «հակասեմական խոսքերը»

 ԱՄՆ-ը դատապարտել է Թուրքիայի նախագահի «հակասեմական խոսքերը»

ԱՄՆ-ը դատապարտում է Թուրքիայի նախագահ Ռեջեփ Թայիփ Էրդողանի «հակասեմական հայտարարությունները» և կոչ անում զերծ մնալ դրանցից. հայտարարել է ԱՄՆ պետդեպարտամենտի խոսնակ Նեդ Փրայսը։

«ԱՄՆ-ը խստորեն դատապարտում է նախագահ Էրդողանի՝ վերջերս հրեա ժողովրդի հասցեին արած հակասեմական խոսքերը և համարում է, որ դրանք դատապարտելի են։ Մենք հորդորում ենք նախագահ Էրդողանին և Թուրքիայի մյուս ղեկավարներին՝ զերծ մնալ պառակտում հրահրելուց, որոնք կարող են հետագա բռնություններ առաջացնել»,- ասել է Նեդ Փրայսը:

Նա հավելել է, որ ԱՄՆ-ը Թուրքիային կոչ է անում միանալ իր ջանքերին Իսրայել-Գազայի հատված հակամարտությունը դադարեցնելու ուղղությամբ: Պետդեպարտամենտի խոսնակը չի մանրամասնել, թե Էրդողանի որ հայտարարությունների մասին է խոսքը:

https://www.yerkir.am/news/view/238698.html 

Leave a Reply

Your email address will not be published. Required fields are marked *