Թուրքիայի վերաբերյալ Եվրախորհրդարանի վերջին զեկույցը կոչ է անում Եվրամիությանը թուրքական ծայրահեղ աջակողմյան Գորշ գայլեր խմբավորումը դասել ահաբեկչական կազմակերպությունների շարքին, հայտնում է Ahval թերթը։

Զեկույցում կոչ է արվել քայլեր ձեռնարկել Եվրամիության անդամ երկրներում անհանգստություն առաջացնող այդ խմբի նկատմամբ։

Հայտնի է, որ խումբն ակտիվ գործունեություն է ծավալել Թուրքիայում 1970-ականներին, իսկ այժմ կապված է ծայրահեղ աջակողմյան Ազգայնական շարժում կուսակցության (MHP) հետ, որը Թուրքիայի իշխող Արդարություն և զարգացում կուսակցության (AKP) կրտսեր կոալիցիոն գործընկերն է:

Գորշ գայլերն արգելված կազմակերպություն է Ավստրիայում՝ 2019 թվականից և Ֆրանսիայում՝ 2020 թվականից։

Զեկույցում նշված է, որ կազմակերպության գործունեությունը վտանգ է ներկայացնում հայկական, հունական և քրդական ծագում ունեցող մարդկանց համար և կոչ է արվում վերահսկել դրա գործունեությունը։

https://www.tert.am/am/news/2021/05/20/grey-wolfes/3618352