Մալաթիա Հայտէր միութեան անդամներուն այցը

Ն.Ա.Տ. Սահակ Բ. Պատրիարք Հայրը, 17 Մայիս 2021, Երկուշաբթի, ժամը 11.00ին, Պատրիարքարանի մէջ ընդունեց Մալաթիա Հայտէր Միութենէն Նուրհան Կէզիճին, Կարպիս Տուրասլանը, Խոսրով Քէօլէդաւիթօղլուն եւ Գէորգ Էօզքարակէօզը։ Հանդիպումին ներկայ էր Պատրիարքական Աթոռոյ Դիւանապետի օգնական Հոգշ. Տ. Յովակիմ Աբղ. Սերովբեանը։

Քաղաքավարական սոյն այցելութեամբ, հիւրերը միութեան գործունէութեան մասին տեղեկութիւններ փոխանցեցին եւ Նորին Ամենապատուութեան գաղափարները շօշափեցին։ Զրոյցի ընթացքին,  օրակարգի եկաւ Մալաթիոյ Ս. Երրորդութիւն Եկեղեցւոյ ի հիմանէ վերանորոգման աշխատանքներու մասին յառաջացած զարգացումները։ Անոնք յայտնեցին թէ՝ տեղւոյն քաղաքապետարանի նախաձեռնութեամբ կը յառաջանան վերանորագութեան աշխատութիւները ու գործունէութեան մասին տեղեակ պահեցին Պատրիարք Հայրը։

Պատրիարք Հայրը շնորհակալութիւն յայտնեց տրուած այցելութեան համար եւ իր ուրախութիւնը յայտնեց վերանորոգութեան աշխատանքներու կապակցութեամբ ու իր բարեմաղթութիւնները յայտնեց։

https://www.facebook.com/TRArmenianPatriarchate/photos/a.127587797401112/1848774858615722/ 

Leave a Reply

Your email address will not be published. Required fields are marked *