Հայոց Ցեղասպանութեան մասին գրելու համար Գերմանիոյ քաղաքացիին 2 տարուան ազատազրկում կը սպառնայ Թուրքիոյ մէջ

Պոլսոյ ծանր յանցագործութիւններու 32-րդ դատարանը դատական հայց ներկայացուցած է գերմանական «Die Welt» թերթի թղթակից Տէնիզ Եուճելի դէմ՝  Հայոց Ցեղասպանութեան եւ քրտական հարցին վերաբերեալ համացանցի վրայ ըրած հրապարակումներուն համար: Այս մասին ԵՌԱԳՈՅՆ-ը կը տեղեկանայ Ermenihaber.am-էն։ 

Այդ առնչութեամբ Պոլսոյ հանրապետական գլխաւոր դատախազութիւնը պատրաստած է մեղադրական եզրակացութիւն:

Դատախազութիւնը Տէնիզ Եուճելի նկատմամբ հետաքննութիւն սկսելու համար համապատասխան արտօնութիւն պահանջած է արդարադատութեան նախարարութենէն:

Եուճել կը մեղադրուի Թուրքիոյ քրէական օրէնսգրքի 301-րդ յօդուածի յատկանիշներով, որն է՝ Թուրքիոյ պետականութիւնը, թուրք ժողովուրդը հրապարակայնօրէն նուաստացնելը: Լրագրողին կը սպառնայ 6 ամիսէն մինչեւ 2 տարի բանտարկութիւն:

Yerakouyn.com 

Leave a Reply

Your email address will not be published. Required fields are marked *