Էրդողանը պատասխանել է Իտալիայի վարչապետին, որն իրեն բռնապետ է անվանել

Թուրքիայի նախագահ Թայիփ Էրդողանն իր մասին Իտալիայի վարչապետ Մարիո Դրագիի խոսքերը «անպարկեշտություն ու կոպտություն» է անվանել, քանի որ վերջինս նրան բռնապետ էր անվանել, փոխանցում է «ՌԻԱ Նովոստին»:

«Իտալացի վարչապետի հայտարարությունն իսկական անպարկեշտություն ու կոպտություն է»,- ուսանողների հետ հանդիպման ժամանակ ասել է Էրդողանը:

Ավելի վաղ Դրագին Էրդողանին բնութագրել էր որպես բռնապետի՝ նշելով նրա հետ համագործակցության անհրաժեշտությունը: Այս հայտարարությունը նա արել էր այն բանից հետո, երբ Թուրքիայի նախագահը Եվրոպայի խորհրդի նախագահ Շառլ Միշելի եւ Եվրահանձնաժողովի ղեկավար Ուրսուլա ֆոն դեր Լեյենի հետ հանդիպման ժամանակ լուսանկարվելու սենյակում վերջինիս աթոռ չէր առաջարկել:

Կազմակերպիչները բանակցողների համար ընդամենը երկու աթոռ էին նախատեսել՝ Եվրամիության եւ Թուրքիայի դրոշների ֆոնին: Դրանցից մեկը զբաղեցրել է Միշելը, իսկ երկրորդը՝ Էրդողանը: ԵՀ ղեկավարը ստիպված է եղել նստել բազմոցին՝ Թուրքիայի արտաքին գործերի նախարար Մեւլութ Չավուշօղլուի դիմաց, ով, ըստ դիվանագիտական արարողակարգի ավելի ցածր աստիճան ունի։

https://news.am/arm/news/638908.html 

Leave a Reply

Your email address will not be published. Required fields are marked *