Թուրքիայում ազատ են արձակվել Մոնտրյոյի կոնվենցիային աջակցած պաշտոնաթող ծովակալներին

Անկարայի դատարանն ազատ է արձակել 14 ծովակալի, որոնք նախկինում կալանավորված էին ի պաշտպանություն Մոնտրյոյի կոնվենցիայի հավաքական նամակի համար` նրանց համար խափանման միջոց ընտրելով չհեռանալու մասին ստորագրությունը: Այս մասին տեղեկացնում է թուրքական NTV հեռուստաընկերության կայքը:

Մոնտրյոյի կոնվենցիայի աջակցման գործով անցնում է 104 պաշտոնաթող ծովակալ:

Ավելի վաղ Թուրքիայի դատախազությունը պահանջել էր ձերբակալել թոշակի անցած ծովակալներից Էրգյուն Մենգիին, իսկ մյուսների համար տնային կալանք էր պահանջել:

Մոնտրյոյի կոնվենցիան, որն ընդունվել է 1936 թվականին, ապահովում է բոլոր երկրների առևտրային նավերի ազատ տեղաշարժը նեղուցներով ինչպես խաղաղ, այնպես էլ ռազմական դրության ժամանակ:
Նամակում ծովակալները զգուշացրել էին որևէ որոշում չկայացնել, որը կարող է խաթարել Մոնտրյոյի միջազգային կոնվենցիան, որով կարգավորվում է նավերի երթևեկությունը, ինչպես նաև մուտքն ու ելքը Սև ծով և որը, ըստ ծովակալների, թույլ տվեց Թուրքիային չեզոքություն պահպանել Երկրորդ համաշխարհային պատերազմի ընթացքում և, ընդհանուր առմամբ, ապահովում է խաղաղությունը Սև ծովում:

Երկրում մտավախություն է առաջացել, որ Էրդողանը կարող է դուրս գալ կոնվենցիայից: Դրա համար պատճառ է դարձել խորհրդարանի խոսնակ Մուստաֆա Շենթոփի հայտարարությունը, որի համաձայն` «նախագահն իրավունք ունի դա անել, եթե ցանկանա»: Հետագայում Շենթոփը մեկնաբանել էր իր հայտարարությունը` ասելով, որ խոսքը նման մտադրության մասին չի եղել:

https://www.tert.am/am/news/2021/04/13/turkey-admirals/3581368 

Leave a Reply

Your email address will not be published. Required fields are marked *