Սելահաթին Դեմիրթաշը կոչ է արել ընդդիմությանը միավորվել ընդդեմ Թուրքիայի իշխանությունների

Քրդամետ Ժողովուրդների դեմոկրատիա կուսակցության նախկին համանախագահ Սելահաթին Դեմիրթաշը կոչ է արել ընդդիմությանը միավորվել ընդդեմ Թուրքիայի իշխանությունների:

Նրա խոսքով՝ ընդդիմությունը պետք է ձեւավորի միություն ընդդեմ իշխող Արդարություն եւ զարգացում ու Ազգայնական շարժում կուսակցությունների միջեւ միության 2023 թ. ընտրություններին սպասելու փոխարեն: Reuters-ին տված հարցազրույցում, որը 2016 թվականից կալանավորված է ահաբեկչության մեղադրանքով, նշել է, որ Թուրքիայում իշխող Ժողովրդական միությունը հերքել է «գրեթե բոլոր իր հիմնարար սկզբունքները»: «Ամեն ինչ անում են իշխանության ղեկին մնալու համար: Եւ այդ ամենը ցույց է տալիս, որ նրանց քաղաքական հնարավորությունները նվազել են»,-հավելել է նա:

2018 թվականի խորհրդարանական ընտրություններին Թուրքիայում իշխող Արդարություն եւ զարգացում կուսակցությունն ու դրա ծայրահեղ աջակողմյան դաշնակից Ազգայնական շարժում կուսակցությունը միասին ստացել են ձայների 54 տոկոսը: Սակայն, վերջին հարցումների տվյալներով՝ Ազգայնական շարժման աջակցությունը նվազում է Թուրքիայի տնտեսական դժվարություների եւ դատական համակարգի նկատմամբ աճող անվստահության պատճառով: Միության աջակցությունն անկել է՝ հասնելով 46 տոկոսի՝ ըստ վերջին 3 ամիսների ընթացքում 16 ընկերությունների անցկացրած հարցումների:

«Մի օր կեսգիշերին մեզ անօրինաբար առեւանգել են մեր տներից եւ վերածել քաղաքական բանտարկյալների: Մենք հպարտանում ենք դրանով»,-ասել է Դեմիրթաշը: «Նրանք, ովքեր կողպել են մեզ այստեղ, խայտառակված են»:

Դեմիրթաշին սպառնում է 142 տարվա բանտարկություն: Դեկտեմբերին ՄԻԵԴ-ը կոչ էր արել Թուրքիային անհապաղ ազատ արձակել քուրդ քաղքական գործչին:

https://news.am/arm/news/637396.html 

Leave a Reply

Your email address will not be published. Required fields are marked *