«Թուրքական իսլամիստական շարժումը տեղ չունի երկրում»․ Ֆրանսիայի կառավարության մամուլի խոսնակ

Ֆրանսիայի կառավարության մամուլի խոսնակն ասել է, որ թուրքական իսլամիստական «Միլլի Գյորյուշ» (ազգային տեսակետ) շարժման արժեքները հակասում են ֆրանսիական արժեքներին և երկրում տեղ չունեն, հայտնում է Ahval թերթը։

«Կարծում եմ, որ սա միություն է, որը դեմ է Ֆրանսիայի Հանրապետության արժեքներին, պայքարում է այդ արժեքների, կանանց և տղամարդկանց հավասարության, մարդկային արժանապատվության դեմ», – նշել է մամուլի խոսնակ Գաբրիել Աթալը։

«Միլլի Գյորյուշ»- ը հիմնադրվել է Թուրքիայի նախկին վարչապետ Նեջմեթթին Էրբաքանի աջակիցների կողմից և գաղափարապես կապված է Թուրքիայի իշխող Արդարություն և զարգացում կուսակցության հետ: Այն ամբողջ Եվրոպայում 300 հազար անդամ ունի, ինչով դառնում է ամենամեծը թուրքական սփյուռքի կազմակերպություններից։

Անցյալ շաբաթ Ֆրանսիայի ներքին գործերի նախարարությունը հայտնել էր, որ դեմ է Ստրասբուրգի իշխանությունների կողմից՝ Եվրոպայի ամենամեծ մզկիթը կառուցելու նախագիծը ֆինանսավորելու որոշմանը։ Իշխանությունները 2,5 միլիոն եվրո դրամաշնորհի նախագիծ էին հաստատել, որը կօգնի կազմակերպությանը՝ ֆինանսավորել քաղաքում մզկիթի կառուցմանը։

Թերթը նշել է, որ վերջին ամիսներին Ֆրանսիայի նախագահ Էմանուել Մակրոնն ու Թուրքիայի նախագահ Ռեջեփ Թայիփ Էրդողանը բազմիցս բախվել են իսլամին առնչվող հարցերի շուրջ։ Հոկտեմբերին Էրդողանը մեղադրել էր Մակրոնին՝ իսլամական ծայրահեղականի կողմից ֆրանսերենի ուսուցիչ Սամուել Փաթիի սպանությանն ի պատասխան հակամուսուլմանական քաղաքականություն վարելու համար:

Ավելի ուշ Մակրոնն ասել էր, որ կարծում է, թե Թուրքիան կարող է փորձել միջամտել Ֆրանսիայի առաջիկա նախագահական ընտրություններին:

https://www.tert.am/am/news/2021/04/02/france-turkey/3571040 

Leave a Reply

Your email address will not be published. Required fields are marked *