«Ճաք» ՆԱՏՕ-ում. Թուրքիայում կարծում են, որ ԱՄՆ-ն մտերմանում է Հունաստանի հետ և հեռանում Անկարայից. Военное Oбозрение

ՆԱՏՕ-ի առանձին անդամների միջև հակասություններն ավելի ու ավելի դժվար է դառնում թաքցնելը: Այս մասին գրում է Военное Oбозрение կայքը` նկատելով, որ նման «ճաքերից» մեկը տեղի է ունեցել Հունաստանի և Թուրքիայի միջև:

«Միևնույն ժամանակ Անկարան զգալի նախանձով է նայում այն հանգամանքին, որ Վաշինգտոնն առավել ակտիվորեն ցուցադրում է իր մերձեցումը Աթենքի հետ և դրան զուգահեռ հեռացումը Թուրքիայից»,- նշվում է պարբերականում:

Աղբյուրի փոխանցմամբ` դաշինքում քննարկվում է ամերիկյան USS Dwight D. Eisenhower ավիակրի մուտքը հունական Կրետե կղզու նավահանգիստ: Նշվում է, որ ավիակրի վրա ընդունել են Հունաստանի վարչապետ Կիրակոս Միցոտալիսին, որը հասցրել է հեռախոսազրույց ունենալ ԱՄՆ նախագահ Ջո Բայդենի հետ: Բայդենը հեռախոսազրույցի ժամանակ ընդգծել է, որ ամերիկյան նավը հունական նավահանգիստ է ժամանել երկրին աջակցելու համար: Բացի այդ, Բայդենը հույներին շնորահավորական ուղերձ է հղել թուրքական լծից ազատվելու 200-ամյակի առթիվ:

Թուրքական ԶԼՄ-ները ևս ուշադրություն են դարձրել Բայդենի հայտարարություններին` դրանք որակելով որպես «Բայդենի վարչակազմի ակնհայտ քայլեր` ուղղված թուրք-ամերիկյան հարաբերությունների վատթարացմանը»:

Թուրքիայում հիշատակում են, որ ԱՄՆ պետքարտուղար Էնթոնի Բլինկենը միանշանակ անպատրաստակամություն է հայտնել հակաթուրքական պատժամիջոցները չեղարկելու հարցում, որոնք սահմանվել են ռուսական С-400 զենիթահրթիռային համալիրները ձեռք բերելու պատճառով:

«Կարելի է նկատել, որ ԱՄՆ-ն արդեն չի էլ փորձում թաքցնել հետևյալը. ՆԱՏՕ-ի կազմում համագործակցությունն ԱՄՆ-ի համար այլ երկրների կողմից բացառապես Վաշինգտոնի շահերին հետևելն է: Եթե երկրներից մեկը փորձում է պաշտպանել սեփական շահերը` ուշադրություն չդարձնելով Վաշինգտոնից հնչող կոչերին, ապա անհապաղ միանում է ճնշման մեխանիզմը, այդ թվում և պատժամիջոցային»,- եզրափակում է պարբերականը:

https://www.tert.am/am/news/2021/03/31/nato/3569282 

Leave a Reply

Your email address will not be published. Required fields are marked *