ԱՄՆ Պետքարտուղարությունը հաստատել է, որ Ադրբեջանը Արցախի դեմ ագրեսիա է սանձազերծել Թուրքիայի աջակցությամբ

ԱՄՆ Պետքարտուղարությունը հաստատել է, որ Ադրբեջանը Արցախի դեմ ագրեսիա է սանձազերծել Թուրքիայի աջակցությամբ: Այս մասին նշված է աշխարհում մարդու իրավունքների իրավիճակի մասին ԱՄՆ Պետքարտուղարության ամենամյա զեկույցում:

Հայաստանի բաժնում նշված է.

«Սեպտեմբերի 27-ից նոյեմբերի 10-ը 44-օրյա ինտենսիվ մարտերի ընթացքում, որոնց մասնակցել են Հայաստանը, Հայաստանի կողմից աջակցվող անջատողականները եւ Ադրբեջանը, բոլոր կողմերը հայտնել են զգալի զոհերի եւ վայրագությունների մասին: Այն բանից հետո, երբ Ադրբեջանը Թուրքիայի աջակցությամբ վերականգնեց վերահսկողությունը 1994 թվականից անջատողականների կողմից վերահսկվող 4 հարակից տարածքներում, Ռուսաստանի միջնորդությամբ հրադադարի համաձայնագիրը, որի մասին Հայաստանի եւ Ադրբեջանի կողմից հայտարարվեց նոյեմբերի 9-ին, հանգեցրեց Ադրբեջանի վերահսկողությանը երեք լրացուցիչ տարածքների խաղաղ փոխանցմանը, ինչպես նաեւ տարածաշրջան ռուս խաղաղապահներ մտցնելուն»:

Պետքարտուղարությունը նաեւ հիշեցրել է, որ «Լեռնային Ղարաբաղի վերջնական կարգավիճակի մասին հարցը 1995 թվականից եղել է Եվրոպայի անվտանգության եւ համագործակցության կազմակերպության Մինսկի խմբի համանախագահների (ԱՄՆ, Ֆրանսիա եւ Ռուսաստան) միջազգային միջնորդության թեման»:

https://news.am/arm/news/636590.html 

Leave a Reply

Your email address will not be published. Required fields are marked *