Թուրքիան, Ազրպէյճանն ու Թուրքմենիստանը տարբեր մարզերու մէջ իրենց գործակցութիւնը ամրապնդելու միացեալ յայտարարութիւն ստորագրեցին

Թուրքիոյ արտաքին գործոց նախարար Մեւլութ Չաւուշօղլու եւ անոր ազրպէյճանցի ու թուրքմեն պաշտօնակիցներ Ճէյհուն Պայրամով եւ Ռաշիտ Միրիտով Անգարայի մէջ իրենց միջեւ իր տեսակին մէջ 5-րդը եղող ժողովի աւարտին ստորագրեցին «իրենց երկիրներուն միջեւ համապարփակ խաղաղութեան, կայունութեան ու հասարակաց բարգաւաճման շրջանի ստեղծման պատկերացումի կարեւորութեան մասին» միացեալ յայտարարութիւն մը` կեդրոնանալով բազմակողմ կարելիութիւններու եւ գործակցութեան առիթներու ամրապնդման եռակողմ մեքանիզմ օգտագործելու կարեւորութեան վրայ:

Յայտարարութիւնը կը վերահաստատէ «փոխադարձ յարգանքն ու այդ երկիրներուն գերիշխանութեան ու միջազգայնօրէն ճանչցուած սահմաններուն մէջ հողային ամբողջականութեան ուժեղ զօրակցութիւնը»:

Համաձայնութիւնը կը նշէ կարեւորութիւնը Թուրքիոյ, Ազրպէյճանի եւ Թուրքմենիստանի միջեւ գոյութիւն ունեցող համախմբումներուն, ինչպէս` «Ասիոյ սիրտ-Պոլիս հոլովոյթ»-ը, ինչպէս նաեւ ՄԱԿ-ը, Իսլամական համագործակցութեան կազմակերպութիւնը, ԵԱՀԿ-ը, ԵՈՒՆԵՍՔՕ-ն, Թրքական խորհուրդը, Տնտեսական համագործակցութեան կազմակերպութիւնը, Թրքական մշակոյթի միջազգային կազմակերպութիւնը (Թիւրքսէօյ) եւ այլ առնչակից շրջանային ու միջազգային կազմակերպութիւնները»:

Երեք երկիրները յանձնառութիւն յայտնեցին, «ահաբեկչութեան, ցեղապաշտութեան, ծայրայեղականութեան, անդրսահմանեան կազմակերպուած քրէականութեան երեւոյթներուն, թմրեցուցիչներու, զէնքերու, մարդոց առեւտուրի, մշակութային, պատմական եւ ելեկտրոնային ոճիրներու, ինչպէս նաեւ ապօրինի գաղթի դէմ պայքարին մէջ գործակցութեան ամրապնդման շարունակութեան» նկատմամբ:

https://www.aztagdaily.com/archives/500404 

Leave a Reply

Your email address will not be published. Required fields are marked *