Թուրքիան ՄԱԿ-ում հերթական հակառուսական հայտարարությունն է արել Ղրիմի վերաբերյալ

Թուրքիան ՄԱԿ-ում հայտարարել է Ղրիմի ռուսական «բռնակցումը» չճանաչելու և Ղրիմի թաթարներին աջակցելու մասին: «Ղրիմի անօրինական բռնակցումը չճանաչելը մեզ համար սկզբունքային է: Մենք կշարունակենք աջակցել Ղրիմի թաթարների՝ իրենց նախնիների երկրում ազատ ու անվտանգ ապրելու արդար ձգտմանը»,- Twitter- ում հայտնել է ՄԱԿ-ում Թուրքիայի առաքելությունը:

Նշվում է նաև, որ Անկարան «սատարում է Ուկրաինայի ինքնիշխանությանը, անկախությանը և տարածքային ամբողջականությանը՝ նրա միջազգայնորեն ճանաչված սահմաններում, ինչը կարևոր է ողջ տարածաշրջանում խաղաղության, անվտանգության և կայունության համար»:

Փետրվարի 23-ի նախօրեին ՄԱԿ-ի Գլխավոր ասամբլեան քննարկում  էր անցկացրել «Ուկրաինայի ժամանակավորապես գրավյալ տարածքներում», այդ թվում`Ղրիմի թերակղզում տիրող իրավիճակի վերաբերյալ: ՄԱԿ-ում Ուկրաինայի մշտական ներկայացուցիչ Սերգեյ Կիսլիցան հայտարարել է, որ «բռնակցված» Ղրիմում Ռուսաստանի իշխանությունները փորձում են «ոչնչացնել ուկրաինացիների ինքնությունը և թերակղզու բնիկ բնակչությանը՝ Ղրիմի թաթարներին»:

https://www.yerkir.am/news/view/230592.html

Leave a Reply

Your email address will not be published. Required fields are marked *