Էրտողան Վրաստանի, Ազրպէյճանի, Ղազախստանի եւ Խըրխըզիստանի հետ 12 միջկառավարական համաձայնագիր վաւերացուցած է

Թուրքիոյ նախագահ Ռեճեփ Թայիփ Էրտողան վաւերացուցած է 12 միջկառավարական համաձայնագիրներ, որոնց բնագիրները երէկ հրապարակուած են Թուրքիոյ կառավարութեան պաշտօնական տեղեկագիր «Ռեսմի Կազեթէ»-ի մէջ:

Ուժի մէջ մտնող համաձայնագիրներու շարքին են Ազրպէյճանի հետ ուժանիւթի եւ հանքարդիւնաբերութեան ոլորտին մէջ համագործակցութեան մասին միջկառավարական համաձայնագիրը: Վաւերացուած է նաեւ Թուրքիոյ եւ Ազրպէյճանի միջեւ պաշտպանական արդիւնաբերութեան ոլորտին մէջ համագործակցութեան մասին համաձայնագիրը:

Փաստաթուղթերու ցանկին վրայ կայ նաեւ պաշտպանութեան ոլորտին մէջ համագործակցութեան վերաբերեալ Թուրքիոյ եւ Ղազախստանի միջպետական համաձայնագիրը:

Միեւնոյն ժամանակ, Խըրխըզիստանի հետ Պիշքեքի մէջ խըրխըզ-թրքական բարեկամութեան հիւանդանոցի բացման, միացեալ կառավարման եւ փոխանցման մասին միջնախարարական համաձայնագիր մը վաւերացուած է:

Խըրխըզիստանի հետ ուժի մէջ մտած մէկ այլ համաձայնագիր կը վերաբերի Թուրքիոյ համալսարաններուն մէջ Խըրխըզիստանէն բժիշկներու կրթութեան եւ վերապատրաստութեան:

Վաւերացուած փաստաթուղթերուն շարքին կայ նաեւ համաձայնագիր Վրաստանի հետ միջազգային համակցուած բեռնափոխադրումներու ոլորտին մէջ, ինչպէս նաեւ համաձայնութիւն այս երկրին հետ երկաթուղային բեռնափոխադրումներու եւ ուղեւորափոխադրումներու մասին:

Ցուցակին վրայ ներառուած են նաեւ Մոնթենեկրոյի եւ Վենեզուելայի հետ միջկառավարական համաձայնագիրներ:

https://www.aztagdaily.com/archives/499964

 

Leave a Reply

Your email address will not be published. Required fields are marked *