Թուրքիայում նվազել է ադրբեջանական ընկերությունների թիվը

Ըստ Թուրքիայի Առևտրաարդյունաբերական պալատների միության տվյալների՝ 2020 թվականին Թուրքիայում գրանցված ադրբեջանական նոր ընկերությունների թիվը նվազել է:

Այսպիսով՝ անցյալ տարի Թուրքիայում, ընդհանուր առմամբ, գրանցվել էր ադրբեջանական կապիտալով 148 նոր ընկերություն, նախանցած տարի՝ 184 նոր ադրբեջանական ընկերություն:

Ըստ TOBB–ի՝ ընդհանուր առմամբ, 2020 թվականին Ադրբեջանում նոր ադրբեջանական ընկերությունների ներդրումները գնահատվում են 33,8 միլիոն լիրա՝ նախորդ տարվա 30 միլիոն լիրայի փոխարեն։

Ադրբեջանական կապիտալ ունեցող ընկերությունների մեծ մասը՝ 72-ը, բացվել է առևտրի ոլորտում, արտադրության ոլորտում՝ 16 և լոգիստիկայում՝ 8 ընկերություն:

Ընդհանուր առմամբ, 2020 թվականին Թուրքիայում գրանցվել է 10 362 օտարերկրյա ընկերություն, որոնց ընդհանուր ներդրումը կազմել է 3,4 միլիարդ լիրա:

https://www.yerkir.am/news/view/229078.html 

Leave a Reply

Your email address will not be published. Required fields are marked *