Թուրքիայի խորհրդարանական ընտրություններում «Խաղաղություն և ժողովրդավարություն» կուսակցությունից (ԽԺԿ) հայ թեկնածու

Խաղաղություն և ժողովրդավարություն կուսակցությունը խորհրդարանական ընտրությունների ժամանակ էթնիկի խմբերի ներկայացուցիչներից ներկայացնելու է անկախ պատգամավորի թեկնածու: Ստամբուլից հայ թեկնածու է լինելու:

ԽԺԿ-ն պատրաստվում է ընտրություններին մասնակցել նոր անկախ թեկնածուներով և նախատեսում է ցուցակներում տեղ տալ նաև հայ թեկնածուներին:  Որոշ մտավորականներ, ովքեր սեպտեմբերի 12-ին տեղի ունեցած սահմանադրական հանրաքվեի ժամանակ ակտիվ աջակցել են «բավարար չէ, սակայն այո» արշավին, հանդիպել են ԽԺԿ-ի նախագահ Սելահեդդին Դեմիրթաշի հետ և պահանջել, որ Ստամբուլի 2-րդ ընտրատարածքից հայ թեկնածու ներկայացնի: Դեմիթաշը դրական է արձագանքել մտավորականների այս առաջարկին եւ այն տեղափոխել կուսակցության խորհրդի նիստ։ Խաղաղություն եւ ժողովրդավարություն կուսակցության խորհրդի նիստում որոշում է կայացվել առաջիկա խորհրդարանական ընտություններին ներկայացնել Թուրքիայում ապրող էթնիկ խմբերի ներկայացուցիչների։

Քուրդիստանի հասարակությունների միության  մեղադրյալ թեկնածուներ

Մինչ մոտենում են հունիսի 12-ի խորհրդարանական ընտրությունները, ԽԺԿ-ն կենտրոնական խորհրդի նիստում առաջիկա ընտրությունների մասնակցելու համար կազմում էր թեկնածուների ցանկը, ըստ որի` ԽԺԿ-ի ցուցակներում տեղ են գտնելու նաև Քուրդիստանի հասարակությունների միության դատավարության շրջանակներում բանտարկված անուններ: Սրա հետ մեկտեղ ԽԺԿ-ի ցուցակներում տեղ են գտնելու նաև «Քրդական ազգային ամբողջականությունը» ներկայացնող, որպես  «խելացի անձ» հայտնի թեկնածուներ:

Նախքան ԽԺԿ-ի կնտրոնական խորհրդի նիստը դոկտոր, պրոֆեսոր Միդհատ Սանջարը, գրող Ռոնի Մարդուլիեսը, դոկտոր, պրոֆեսոր Ահմեդ Ինսելը, ինչպես նաև՝ Ստամբուլի հայ համայնքի առաջադեմ ներկայացուցիչներ ԹԱՄԺ-ում հանդիպել են ԽԺԿ-ի առաջնորդ Դեմիրթաշի հետ:

Հայկո Բաղդատի առաջարկությունը

Հանդիպման ժամանակ Դեմիրթաշից պահանջել են, որ Ստամբուլի 2-րդ ընտրատարածքում, որտեղ անցած ընտրություններին դրված էր պրոֆեսոր Բասքըն Օրանի թեկնածությունը, և որտեղ հոծ խմբերով ապրում են փոքրամասնություններ, առաջադրվի հայի թեկնածություն: Հանդիպան ժամանակ պահանջել են, որ գրող-լրագրող Հայկո Բաղդատի թեկնածությունն առաջադրվի Ստամբուլի 2-րդ ընտրատարածքում:

Դրական արձագանքած Դեմիրթաշը հայ թեկնածուի առաջարկը ներկայացրել է  Խաղաղություն եւ ժողովրդավարություն կուսակցության խորհրդի նիստում, որտեղ որոշում է կայացվել, որ առաջիկա խորհրդարանական ընտություններին անհրաժեշտ է ներկայացնել ոչ միայն հայ, այլ նաեւ՝ Թուրքիայում ապրող այլ էթնիկ խմբերի ներկայացուցիչների, սակայն շեշտել են, որ դեռ վաղ է հայտարարել թեկնածուների անունները:

Առաջարկ Ռաքել Դինքին

«Բավարար չէ, սակայն այո» արշավի ակտիվիստները ավելի շուտ առաջարկել էին կուսակցության ընտրական ցուցակում ընդգրկել «Ակօս» շաբաթաթերթի խմբագրապետ Հրանտ Դինքի այրուն` Ռաքել Դինքին, սակայն վերջինս մերժել էր:

 

Ռիֆաթ Բաշարան

«Ռադիկալ»

20.02.2011

 

Leave a Reply

Your email address will not be published. Required fields are marked *