ԱՄՆ իշխանությունները Թուրքիային մեղադրել են ՆԱՏՕ-ի միասնությունը խաթարելու մեջ

Թուրքիան խարխլում է ՆԱՏՕ-ի համերաշխությունն ու արդյունավետությունը` ձեռք բերելով ռուսական Ս-400 զենիթահրթիռային համակարգեր: Այս մասին փետրվարի 2-ին ասել է ԱՄՆ ազգային անվտանգության հարցերով նախագահի օգնական Ջեյք Սալիվանը Թուրքիայի նախագահի պաշտոնական ներկայացուցիչ Իբրահիմ Քալընի հետ հեռախոսազրույցում:

Ավելի ուշ Սալիվանի ու Քալընի զրույցի բովանդակությունը ներկայացրել է Սպիտակ տան ազգային անվտանգության խորհրդի պաշտոնական ներկայացուցիչ Էմիլի Հորնը: Նա նշել է, որ Սալիվանը մտահոգություն է հայտնել, որ Հյուսիսատլանտյան դաշինքի համախմբվածությունն ու արդյունավետությունը խաթարվում է ռուսական Ս-400 ցամաք-օդ հրթիռային համակարգերի գնմամբ:

Միևնույն ժամանակ, Միացյալ Նահանգների ղեկավարի օգնականը շեշտել է, որ նոր նախագահ Ջո Բայդենի վարչակազմը կցանկանար հաստատել կառուցողական կապեր Թուրքիայի և ԱՄՆ-ի միջև, ընդլայնել համագործակցության ոլորտները և վերահսկել տարաձայնությունները: Սալիվանը, ըստ Հորնի, հայտարարել է Վաշինգտոնի մտադրության մասին՝ «ՆԱՏՕ-ի միջոցով ուժեղացնել անդրատլանտյան անվտանգությունը»:

https://www.yerkir.am/news/view/228391.html 

Leave a Reply

Your email address will not be published. Required fields are marked *