Չաւուշօղլու. «Եթէ զինադադարը երկարաժամկէտ ըլլայ, Թուրքիան եւ Ազրպէյճանը կրնան քայլերու ձեռնարկել Հայաստանի հետ յարաբերութիւններու կարգաւորման համար»

Թուրքիոյ արտաքին գործոց նախարար Մեւլութ Չաւուշօղլու հաստատած է Երեւանի հետ յարաբերութիւնները կարգաւորելու Անգարայի մտադրութիւնը եւ նշած, թէ ատիկա ո՛ր պարագային տեղի պիտի ունենայ: «Վեսթնիք Քաւքազա» կայքը կը հաղորդէ, որ այս մասին թրքական դիւանագիտութեան պետը յայտնած է իր գերմանացի պաշտօնակից Հայքօ Մաասի հետ տեղի ունեցած միացեալ մամլոյ ասուլիսի ընթացքին:

Չաւուշօղլու յիշատակած է Լեռնային Ղարաբաղի մէջ ձեռք բերուած զինադադարի դրութիւնը` ստեղծուած իրավիճակը կոչելով «լաւ կարելիութիւն»:

«Եթէ զինադադարը երկարաժամկէտ պիտի ըլլայ, Թուրքիան եւ Ազրպէյճանը կրնան քայլերու ձեռնարկել Հայաստանի հետ յարաբերութիւններու կարգաւորման համար: Մենք Ազրպէյճանի հետ միասին պիտի համակարգենք այդ հոլովոյթը», աղբիւրին համաձայն` ըսած է թուրք նախարարը:

https://www.aztagdaily.com/archives/496294

Leave a Reply

Your email address will not be published. Required fields are marked *