Էրդողանը կոչ է արել Brexit-ից հետո Թուրքիային ընդունել ԵՄ

Թուրքիայի նախագահ Թայիփ Էրդողանը Եվրամիությանը կոչ է արել Brexit-ից հետո երկիրն ընդունել միության կազմ:

«Մենք չենք հրաժարվել ԵՄ լիիրավ անդամություն ստանալու մեր ձգտումից: Brexit-ի բերած աճող անորոշությունը կվերացվի միայն այն բանից հետո, երբ Թուրքիան անդամակցի», – ասել է Էրդողանը՝ ելույթ ունենալով Անկարայում:

Թուրքիան 1963 թ․ ԵՄ-ի հետ (այն ժամանակ՝ ԵՏՀ) ասոցացման համաձայնագիր է ստորագրել, իսկ 1987-ին դիմել է Միությանն անդամակցելու համար:

Այնուամենայնիվ, անդամակցության բանակցությունները սկսվել են միայն 2005 թ. և բազմիցս դադարեցվել են տարաձայնությունների պատճառով: Բանակցային թղթապանակի 35 գլուխներից 16-ն այժմ բաց են:

2016 թ․ Բրյուսելը ակտիվացրել է բանակցությունները՝ Թուրքիայի համաձայնության դիմաց, որը կօգնի կրճատել միգրանտների հոսքը դեպի Եվրոպա:

https://www.aysor.am

Leave a Reply

Your email address will not be published. Required fields are marked *