«Ներկայիս Թուրքիան համեմատելի չէ 2000-ական թվականների սկզբի երկրին, որն առաջնորդվում էր եվրոպական արժեքներով»․ Հունաստանի ԱԳ նախարար

Ներկայիս Թուրքիան համեմատելի չէ 2000-ական թվականների սկզբի երկրին, որն առաջնորդվում էր եվրոպական արժեքներով, և ոչ էլ` 2016 թվականի երկրին, որը հետախուզական հարցերի շուրջ բանակցություններ էր վարում, Ekathimerini թերթին տված հարցազրույցում ասել է Հունաստանի ԱԳ նախարար Նիկոս Դենդիասը։

Դենդիասը նշել է, որ Թուրքիայի կողմից Միջերկրական ծովի արևելյան հատվածում հետախուզական հարցերի շուրջ նախնական բանակցությունների օրակարգի միակողմանի փոփոխությունը նշանակում է «բանակցությունները խափանելու փորձ»:

Խոսելով Իոնական ծովի սահմաններից դուրս տարածքային ջրերի ընդլայնման հնարավորության մասին՝ Դենդիասն պատասխանել է, որ «դա կարվի, երբ նպատակահարմար լինի»։

Անդրադառնալով Կիպրոսի հարցում տարվող բանակցություններին՝ Դենդիասը թուրքական կողմին մեղադրել է հռետորականության համար՝ նշելով, որ, այնուհանդերձ, աջակցում է ՄԱԿ-ի գլխավոր քարտուղար Անտոնիո Գուտերեշի կողմից առաջարկված ոչ պաշտոնական հնգակողմ հանդիպմանը, որը նպատակ ունի հասնել Կիպրոսի հարցի երկարատև կարգավորմանը։

https://www.tert.am/am/news/2021/01/11/Dendias/3491689 

Leave a Reply

Your email address will not be published. Required fields are marked *