Թուրքիայում դատարանը վճռել է ձերբակալել երկու նախկին պետական ծառայողի Հրանտ Դինքի սպանության առնչությամբ

Թուրքիայում դատարանը վճռել է ձերբակալել երկու նախկին պետական ծառայողի 2007 թվականին ծագումով հայ լրագրող Հրանտ Դինքի սպանության առնչությամբ, հաղորդում է Cumhuriyet թերթը:

Խոսքը վերաբերում է ժանդարմերիայի հետախուզության երկու սպաներին՝ Վեյսալ Շախինին եւ Վոլքան Շախինին, որոնք տեղյակ էին, սակայն չէին հայտնել Դինքի սպանության ծրագրերի մասին:

Հրանտ Դինքը սպանվել է 2007 թվականի հունվարի 19-ին Ստամբուլում «Ակoս» շաբաթաթերթի գլխավոր գրասենյակի դիմաց: Օյուն Սամանթ անունով 17-ամյա գործազուրկ երիտասարդ տղամարդը խոստովանել է սպանությունը եւ 2011 թվականին դապարտվել շուրջ 23 տարվա ազատազրկման:

Սպանության հետաքննությունը ցույց է տվել, որ անվտանգության ուժերը տեղյակ էին Դինքի սպանության նպատակով դավադրության մասին, սակայն քայլեր չեն ձեռնարկել:

Հրանտ Դինքի սպանության գործով հերթական լսումները նշանակվել են հունվարի 8-ին:

https://news.am/arm/news/622417.html 

Leave a Reply

Your email address will not be published. Required fields are marked *