«Երեքշաբթի Թուրքիայի հետ ազատ առևտրի համաձայնագիր կկնքենք». Մեծ Բրիտանիայի արտաքին առևտրի նախարար

Մեծ Բրիտանիայի առևտրի նախարարությունը տեղեկացրել է, որ երեքշաբթի` դեկտեմբերի 29-ին, Թուրքիայի հետ ազատ առևտրի համաձայնագիր է ստորագրելու: Այս մասին տեղեկացնում է թուրքական Cumhuriyet պարբերականը:

Նշվում է, որ ստորագրվելիք համաձայնագիրը Մեծ Բրիտանիայի համար առաջին առևտրային համաձայնագիրն է լինելու ԵՄ-ի հետ ստորագրած համաձայնագրից հետո:

Երկու երկրների կողմից ստորագրվելիք համաձայնագիրը կպահպանի Անկարայի և Լոնդոնի միջև առկա առևտրային պայմանները, սակայն երկկողմանի առևտուրը կազատվի մաքսատուրքերից:

Մեծ Բրիտանիայի առևտրի նախարար Լիզ Թրասսը հույս է հայտնել, որ շուտով երկրներին կհաջողվի առևտրի վերաբերյալ հատուկ համաձայնության հասնել:

«Այս շաբաթ մենք ակնկալում ենք ստորագրել առանց տուրքի առևտրի կանոնակարգեր, և դա կաջակցի մեր առևտրային հարաբերություններին: Դա հստակություն կբերի Մեծ Բրիտանիայի արտադրական, ավտոմոբիլային և պողպատի արդյունաբերության հազարավոր աշխատատեղերի համար»,-հայտարարել է Թրասսը:

«Մոտ ապագայում Թուրքիայի և Անգլիայի միջև միանգամյա պայմանագիր կկնքի, որը հստակություն կմտցնի ապագայի հարաբերություններում»,-ավելացրել է բրիտանացի նախարարը:

2019 թվականին Մեծ Բրիտանիայի և Թուրքիայի միջև առևտրաշրջանառությունը գնահատվել է 25 միլիարդ 250 միլիոն դոլար:

https://www.tert.am/am/news/2020/12/28/turkey-britain/3483924 

Leave a Reply

Your email address will not be published. Required fields are marked *