Փութին եւ Մաքրոն քննեցին Արցախի իրավիճակը

ՄՈՍԿՈՒԱ.- Ռուսիոյ նախագահ Վլատիմիր Փութին Ֆրանսայի նախագահ Էմանուէլ Մաքրոնի հետ ունեցաւ հեռաձայնային զրոյց մը, որուն ընթացքին քննուեցաւ նաեւ Արցախի իրավիճակը, հաղորդեց Քրեմլինի մամլոյ ծառայութիւնը։

Փութին ընդգծեց, որ շրջանին մէջ իրավիճակը կը կայունանայ եւ 9 Նոյեմբերի յայտարարութեան մէջ նշուած պայմանները, ընդհանուր առմամբ, յաջորդաբար կը կատարուին։

«Հաստատուեցաւ Արցախի հակամարտութեան լուծման տարբեր երեսներուն շուրջ համակարգումը շարունակելու երկկողմ պատրաստակամութիւն, յատկապէս, ԵԱՀԿի Մինսկի խումբի ծիրին մէջ», կը տեղեկացնէ Քրեմլինի մամլոյ ծառայութիւնը:

Asbarez.com 

Leave a Reply

Your email address will not be published. Required fields are marked *