Կորսուած հայկական գիւղը Ջիպին

Տօքթ. Սարգիս Ատամ

Մինչեւ 1915 թուական հին Ուրֆա-Եդեսիա-(Օրֆա) քաղաքի եւ գիւղերու մէջ կ՛ապրէին աւելի քան 42 հազար հայեր։ Հայ համայնքն ունէր 10 եկեղեցի, մէկ վանք, եւ շուրջ 20 հայկական դպրոց:

Հայաշատ գիւղերէն մին ալ Ջիպին գիւղն էր: Երբ որ 1915-ին (Հայոց ցեղասպանութեան ատեն-Ակունքի խմբ․) հայերու համար սկսաւ պարտադրիչ արտագաղթը դէպի անորոշութիւն, հայերուն մեծամասնութիւնը քշուեցան դէպի անապատի ճանապարհ, մնացեալ խումբ մը հայեր կարողացան արտագաղթել դէպի Սուրիա, Հալէպ, Եւրոպայի զանազան երկիրներ ու Ամերիկա, խումբ մը հայեր ալ մնացին Ուրֆա եւ ենթարկուեցան պարտադրիչ աքսորի:

Աքսորի ժամանակ Ջիպին գիւղի հայերը իրենց աղջիկ զաւակնին, աքսորի վտանգաւոր անապատի ճանապարհի վտանգէն զերծ պահելու միտումով, իրենց հետ չի տարին եւ իրենց վստահելի թուրք իսլամ հարեւաններուն խնամքին ու հսկողութեան տակ ձգեցին:

Այսպէսով, աքսորի ժամանակ շուրջ 30 ջիպինցի հայ աղջիկներ մնացին, եւ անոնցմէ շատեր թուրքերու հետ ամուսնացան եւ ընտանիք կազմեցին, իսկ մի խումբ հայ աղջիկներ մուհամետական դարձան, որուն հետեւանքով Ջիպին գիւղի բնակիչներուն շատերու մայրը հայ կիներ էին։

Անոնցմէ շատեր այսօր թերեւս հասած են մեծմայրութեան խոր ծերութեան հասակի, թերեւս ալ մահացած են, սակայն անոնց թոռնիկները կ՛ապրին Գերմանիա, Հոլանտ, Պելժիոյ մէջ։ Անոնցմէ շատեր կը կրէն թուրքական անուններ եւ մոռցած են իրենց մայրենի լեզուն, բայց կը յիշեն իրենց նախկիններու հայ ազգի պատկանելութիւնը եւ հայկական անուներ։
Akunq.net 

Leave a Reply

Your email address will not be published. Required fields are marked *