WarGonzo նախագծի հեղինակ Սեմյոն Պեգովը, հղում կատարելով Ստամբուլում և Սիրիայում իր աղբյուրներին, մամուլի ասուլիսի ժամանակ հաստատել է, որ Թուրքիան աշխատում է սիրիացի թուրքմեններին Ադրբեջանի վերահսկողության տակ հայտնված Արցախի տարածքում վերաբնակեցնելու ուղղությամբ:

Նրա խոսքով, Սիրիայում՝ Իդլիբի տարածքում, գտնվող թուրքամետ արմատական գրոհայիններին, որոնց մեծ մասը «Գորշ գայլեր» արմատական կազմակերպության ներկայացուցիչներ են, Ռուսաստանը և Սիրիան վաղ, թե ուշ մաքրելու են տարածաշրջանից: Սակայն Թուրքիան չի ցանկանում նրանց տեսնել իր տարածքում:

Բացի այդ՝ ադրբեջանցիները, որոնք հիանալի հասկանում են, որ վաղ, թե ուշ պատերազմ կարող է սկսվել Լեռնային Ղարաբաղում, չեն ցանկանում թողնել Բաքվի հարմարավետ պայմանները և տեղափոխվել դյուրավառ Ղարաբաղ:

Ելնելով դրանից՝ Անկարան և Բաքուն որոշել են այս տարածքները բնակեցնել Սիրիայից ներգաղթյալներով՝ խոստանալով նրանց «արտոնյալ» պայմաններ և ֆինանսական օգնություն: Ըստ Պեգովի՝ այս միգրանտների ողնաշարը կլինեն ավելի վաղ տարածաշրջան տեղափոխված ահաբեկիչները, որոնք ոչ մի տեղ չեն գնացել և շարունակում են գտնվել Լեռնային Ղարաբաղում:

https://www.yerkir.am/news/view/221362.html