Եթե եվրոպական երկրները միասնություն դրսևորեն, Թուրքիայի նախագահ Ռեջեփ Թայիփ Էրդողանը վերջ կտա իր ագրեսիվ քաղաքականությանը, Բրյուսելի Euractiv անկախ մեդիա ցանցին հայտնել է ԵՄ աղբյուրը։

Աղբյուրի խոսքով՝ Թուրքիայի նախագահն այժմ ստուգում է իր իշխանության սահմանները և Եվրոպայի համբերության աստիճանը։

«Նախորդ շաբաթ Էրդողանը հայտարարեց, որ Թուրքիան պատկանում է Եվրոպային, և միաժամանակ Արևելյան միջերկրածովյան տարածաշրջանում նոր NAVTEX թողարկեց։ Թվում է՝ Էրդողանը կա՛մ ծաղրում է, կա՛մ փորձում է չափել Եվրոպայի համբերության աստիճանը, կա՛մ էլ ցանկանում է լիակատար առճակատման գնալ»,-ասել է աղբյուրը։

ԵՄ ղեկավարները ծրագրում են դեկտեմբերի 10-11-ը կայանալիք գագաթնաժողովում քննարկել դաշինքի առջև ծառացած խնդիրները, ներառյալ՝ Արևելյան միջերկրածովյան տարածաշրջանում Թուրքիայի հրահրած լարվածությունը։

Ինչպես նշում է աղբյուրը, թեև Թուրքիայի նկատմամբ պատժամիջոցների սահմանման հնարավորությանը մեծ է, մի շարք պետություններ, այդ թվում՝ Գերմանիան, Իտալիան, Իսպանիան և Հունգարիան, ավելի վաղ կողմ էին արտահայտնվել Թուրքիայի հետ երկխոսությանը։

Նշվում է նաև, որ «թեև Բուլղարիան ոչ մի դիրք չի զբաղեցրել, այդ երկրի վարչապետ Բոյկո Բորիսովը ԵՄ-ում այսպես կոչված՝ Էրդողանի մարդն է համարվում»։

https://www.tert.am/am/news/2020/11/26/Europe/3452936