Թաներ Աքչամ․ «Գորշ գայլերը» Գերմանիայում սպառնում են հայերին, ու այն պետք է արգելվի

Թուրք պատմաբան, ցեղասպանագետ Թաներ Աքչամը Գերմանիային կոչ է անում արգելել «Գորշ գայլեր» կազմակերպությունը։

Աքչամն իր ֆեյսբուքյան էջում գրել է, որ թուրք ազգայնականները հայերի էլեկտրոնային հասցեներին գերմաներեն սպառնալից հաղորդագրություններ են ուղարկում։

«Սա հանցագործություն է, և Գերմանիայի կառավարությունը պետք է արգելի այս կազմակերպությունը»,- գրել է Աքչամը:

«Գորշ գայլերը կհասնեն ձեզ,
Դուք, Հայաստանի կեղտոտ երեխաներ, մենք ձեզ բոլորիդ կգտնենք, և ձեր երեխաները կկանգնեն ձեր գերեզմանի մոտ, նախքան նրանք կընկնեն իրենց իսկ գերեզմանը:
Մենք կանգնած ենք Ադրբեջանի մեր եղբայրների կողքին և թույլ չենք տա, որ Հայաստանի անհավատ շները Գերմանիայում խաղաղ ապրեն:
Մենք գիտենք ձեզ, գիտենք, թե որտեղ են ձեր երեխաները՝ օր ու գիշեր:
Գորշ գայլերը ձեզանից հեռու չեն»,- ասվում է հայերին ուղարկված ծայրահեղականների հաղորդագրությունում:

Հիշեցնենք, որ վերջերս Ֆրանսիան պաշտոնապես արգելեց «Գորշ գայլեր»  կազմակերպության գործունեությունը։

Panorama.am 

Leave a Reply

Your email address will not be published. Required fields are marked *