Թուրքիան Արեւելեան Միջերկրականի մէջ ռազմափորձեր կը յայտարարէ խախտելով ՕԹԱՆ-ի հետ համաձայնութիւնը

Թուրքիան ուրբաթ երեկոյեան յայտարարած է Արեւելեան Միջերկրականի մէջ 27-28 հոկտեմբերին ծուվուժի ռազմափորձեր կատարելու մասին:

Յատկանշական է, որ թրքական կողմի յայտարարութիւնը հնչած է ՕԹԱՆ-ի այն յայտարարութենէն ետք, ըստ որուն` Թուրքիան եւ Յունաստանը համաձայնած են ջնջել ռազմափորձերը Եգէական ծովուն մէջ: Այս մասին կը հաղորդէ թրքական «Ահւալնիուզ»-ը:

«Ասոնք ճիշդ ուղղութեամբ քայլեր են, անոնք կ՛օգնեն նուազեցնել միջադէպերու վտանգները», ըսած է ՕԹԱՆ-ի ընդհանուր քարտուղար Ենս Սթոլթենպերկ:

ՕԹԱՆ-ի գլխաւոր քարտուղարը յոյս յայտնած էր, որ ռազմափորձերու ջնջումը դրական ազդեցութիւն պիտի ունենայ Արեւելեան Միջերկրականի մէջ լարուածութեան թուլացման ուղղուած Գերմանիոյ միջնորդական ջանքերուն վրայ:

http://www.aztagdaily.com/archives/487282 

Leave a Reply

Your email address will not be published. Required fields are marked *