Դերսիմի հայկական եկեղեցին կողոպտվել է

 

Մինչև 1960-ական թթ. Դերսիմի Մազգիրթ (Մանազկերտ) գավառում ապրող հայերի ծիսական արարողությունների վայրերը` եկեղեցիները, խնամքի բացակայության պահմաններում վերածվել են ավերակների: Թեև Մշակույթի նախարարությունը ցուցակագրել և գրանցել է դրանք, սակայն Գյոլբաղը հայկական եկեղեցին 50 տարվա ընթացքում ամբողջովին փլուզվել է:

Անխնամ մնացած եկեղեցու առաստաղը բնության երևույթների արդյունքում փլուզվել է, իսկ ներսի հատվածը կողոպտել են գանձագողերը: Մանազկերտի քաղաքապետարանի խորհրդի անդամ Ֆեթի Յըլմազն ասաց, որ եկեղեցու վերանորոգման համար իրավասու կազմակերպությունների հետ պաշտոնական նամակագրություն են սկսելու: Յըլմազը նշելով, որ Մանասզկերտի հայ համայնքի հետ միասին ապրել են մինչև 1960-ական թթ., 50 տարի առաջ, ասաց. «Քրդերը երբեք մյուս մշակույթների և հավատքների հանդեպ անհարգալից չեն եղել: Մանազկերտում հայերը արհեստով էին զբաղվում, սակայն իրար հաջորդած հեղաշրջումների  հետևանքով կրկին ստիպված եղան փախչել»: 

Իսկ քաղաքացի Հյուսեին Բեյազթաշն  նշելով, որ Մանազկերտը տարբեր քաղաքակրթությունների օրրան է, և որ անհրաժեշտ է ուսումնասիրել այն մտածելակերպը, որը թույլ է տալիս այսչափ ոչնչացնել մի համայնքի ծիսական արարողության տաճարը, ասաց. «Մանազկերտը մի վայր է, որը բնօրրան է հանդիսացել բազմաթիվ քաղաքակրթությունների, այդ թվում՝ նաև բազմաթիվ կայսրերի, սակայն քանի որ վերջին հարյուր տարվա ընթացքում գերիշխող ուժը, որի նպատակը միակ լեզուն, միակ կրոնը, միակ տեսակն է, կտրականապես չի կարողանում հանդուրժել մյուս հավատքները: Եթե այս եկեղեցիները աչքի առաջ չավերվեին, և գոյություն ունեցող պատմական վայրերը վերանորոգվեին, այս տեղը շատ իդեալական վայր կլիներ զբոսաշրջության համար»:

Հարցի վերաբերյալ տեղեկություններ տրամադրած Դերսիմի նահանգի մշակույթի և զբոսաշրջության տնօրեն Իսմեթ Հաքան Ուլասօղլուն ասաց. «Մանազկերտում գտնվող երկու եկեղեցին ևս ցուցակագրվել է, սակայն քանի որ դրամական հատկացոմ չի եղել, չենք կարողանում կանխարգելիչ աշխատանքներ սկսել: Տեղյակ ենք, որ գանձագողերը ավերել են Գյոլբաղի հայկական եկեղեցին, տեղում ուսումնասիրություն ենք կատարել: Սակայն վերանորոգման ուղղությամբ այժմ աշխատանքներ չենք կատարում: Միայն մեր նահանգում չէ, ընդհանրապես շրջանի մի շարք պատմական վայրեր խնամքի բացակայության պայմաններում ավերվում են»:

Ուշագրավ է, որ պատմական եկեղեցին տեղ է գտնում Մանազկերտի կայմակամության պաշտոնական ինտերներտային կայքում:

http://arkeolojihaber.net/2010/04/06/ermeni-kilisesi-talan-edildi/

Leave a Reply

Your email address will not be published.