Մակրոնը դիմել է Հայաստանին և քննադատել Թուրքիայի ներգրավվածությունն ու պատերազմում Ադրբեջանին աջակցելը

Ֆրանսիայի նախագահ Էմանուել Մակրոնը վտանգավոր ու անմտածված է համարում Թուրքիայի քաղաքական հայտարարությունները՝ կապված Արցախյան հակամարտության հետ:

Ավելի վաղ Թուրքիան հայտարարել էր, որ Ադրբեջանին կտրամադրի ցանկացած օգնություն՝ Լեռնային Ղարաբաղում իրավիճակի հերթական սրման ֆոնին:

«Ես ուշադրություն դարձրեցի Թուրքիայի քաղաքական հայտարարություններին, որոնք ինձ անմիտ և վտանգավոր են թվում», – ասել է Մակրոնը Ռիգայում Լատվիայի վարչապետ Քրիշյանիս Կարինսշի հետ հետ համատեղ մամուլի ասուլիսում:

Նա շեշտել է, որ Ֆրանսիան ծայրաստիճան մտահոգված է «ռազմաշունչ հայտարարություններով, որոնք Թուրքիան անում է վերջին ժամերին` ըստ էության, Ադրբեջանին ազատելով գործողությունների սահմանափակումներից»:

«Եվ մենք դա թույլ չենք տա: Ես շատ հստակ ասում եմ Հայաստանին և հայ ժողովրդին` Ֆրանսիան կկատարի իր դերը, և մենք զգոն կլինենք ընտանիքների, ժողովրդի, ինքնիշխանության նկատմամբ հարգանքի համար: Մենք չենք ընդունի որևէ հայտարարություն, որը նպաստում է սրմանը»,- ասել է Ֆրանսիայի նախագահը:

https://www.yerkir.am/news/view/214879.html 

 

Leave a Reply

Your email address will not be published. Required fields are marked *